16 Xookil

 Unaj k-eʼesik k-yaabilmaj Dios

Wa k-kʼáat bisba yéetel wa máaxeʼ mantatsʼ unaj k-tsikbal tu yéetel. Utúul k-amigoeʼ ku chʼenxikintkoʼon yéetel toʼon xaneʼ k-chʼenxikintik baʼax ku yaʼalik. K-ilik xan k-tʼaan maʼalob tu yoʼolal. Lelaʼ bey xan unaj k-beetik wa k-kʼáat bisba yéetel Diosoʼ. Koʼox ilik bix u yaʼalik le Biblia ka k-beetoʼ.

Mantatsʼ unaj k-orar wa k-payalchiʼ tiʼ Jéeoba. «Payalchiʼineneʼex mantatsʼ.» (Romailoʼob 12:12.)

Mantatsʼ unaj k-xokik le Bibliaoʼ. «Tuláakal Kiliʼich Tsʼíibeʼ Jajal Dios tsʼáa tiʼ tuukul utiaʼal ka tsʼíibtaʼak, maʼalob xan utiaʼal kaʼansaj, utiaʼal kʼeyaj, utiaʼal tojkinaj.» (2 Timoteo 3:16.)

Unaj k-kaʼansik uláakʼ máakoʼob. «Xeeneʼex túun tiʼ u kajnáaliloʼob tuláakal kaajoʼobeʼ ka a beeteʼexoʼob j-kaambaloʼob, [...] yéetel kaʼanseʼexoʼob u tsʼoʼokbesoʼob tuláakal baʼax in waʼalmaj tiʼ teʼex.» (Mateo 28:19, 20.)

 Unaj k-bisikba yéetel u amigoʼob Dios. «Bisaba yéetel le j-ojéelaloʼoboʼ ka yanak tiʼ teech ojéelaj.» (Proverbios 13:20.)

Unaj k-bin teʼ muchʼtáambaloʼob tu Najil Reinooʼ. «Unaj k-kaxantik bix jeʼel u páajtal k-áantikba t-baatsileʼ utiaʼal ka yanaktoʼon yaakunaj yéetel utiaʼal k-beetik baʼax uts, [...] unaj k-líikʼ óoltikba t-baatsil.» (Hebreob 10:24, 25.)

Unaj k-áantaj utiaʼal maʼ u xuʼulul u kʼaʼaytaʼal le Reinooʼ. «Cada juntúuleʼ unaj u tsʼáaik jeʼel bix u tukultmaj tu puksiʼikʼaleʼ, maʼ yéetel x-maʼ óoliʼ, mix tumen táan u [kʼáataʼaltiʼiʼ], tumen Jajal Dioseʼ u yaabiltmaj le máax ku tsʼaa yéetel kiʼimak óolaleʼ.» (2 Corintoiloʼob 9:7.)

[U tsolajil le oochel teʼ táan juʼun 27]

U NAJIL REINO tiʼ u J-jaajkunajoʼob Jéeoba