Tiʼ le taatatsiloʼoboʼ
¿Baʼax maas maʼalob jeʼel a síikeʼex tiʼ a paalaleʼexeʼ? Tiʼ letiʼobeʼ kʼaʼabéet yaabilaj, nuʼuktaj yéetel u kanáantaʼaloʼob. Baʼaleʼ le naʼat ku taal tiʼ Jéeoba bey xan le baʼax ku kaʼansik le Bibliaoʼ, letiʼe baʼax maas maʼalob jeʼel u páajtal a síikeʼextiʼoboʼ (Juan 17:3). Le baʼax ken u kanoʼoboʼ yaan u yáantkoʼob u maas yaabiltoʼob Jéeoba yéetel ka u meyajtoʼob tu jaajil u yóoloʼob desde tu chichniloʼob (Mateo 21:16).
Yaʼab taatatsiloʼobeʼ tsʼoʼok u yilkoʼobeʼ le mejen paalaloʼoboʼ maas séeb u kaanbaloʼob wa maʼ yaʼab baʼax ku tsoʼololtiʼobiʼ. Le oʼolal jach ku taasiktoʼon kiʼimak óolal k-jóoʼsik le folleto Le baʼaxoʼob kin kanik teʼ Bibliaoʼ. Le mejen xookoʼob ku taaskoʼ yaan u yáantik le taatatsiloʼob u kaʼans u mejen paalaloʼoboʼ. Le dibujoʼob yéetel le xookoʼoboʼ beetaʼan utiaʼal mejen paalal kex óoxpʼéel u jaʼabiloʼob wa menos. Tsʼoʼoleʼ ku taasik u jaats tuʼux ku yaʼalik tiʼ le taatatsil baʼax unaj u múul beetik yéetel u hijooʼ. Le folletoaʼ maʼ utiaʼal u báaxt le mejen paalaloʼoboʼ. Baʼaxeʼ utiaʼal ka kulakeʼex a múul xokeʼex yéetel utiaʼal a múul tsikbaleʼex tu yéeteloʼob.
Jach k-ojel yaan u yáantkeʼex le folleto utiaʼal a kaʼanskeʼex le baʼax ku yaʼalik le Biblia tiʼ a mejen paalaleʼex ‹desde tu chichniloʼoboʼ› (2 Timoteo 3:14, 15).
A sukuʼuneʼex,
Cuerpo Gobernante tiʼ u j-Jaajkunajoʼob Jéeoba