KA BISAʼ AB José Egiptoeʼ chéen 17 jaʼab yaan tiʼ. Teʼeloʼ konaʼab tiʼ utúul máak u kʼaabaʼ Potifar. Potifareʼ tiʼ u reyil Egipto ku meyaj; le reyaʼ Faraón u yaʼalaʼaltiʼ.

Joseiʼ jach ku tsʼáaik u yóol u meyajt Potifar, u tsʼuulil. Le oʼolaleʼ, ka maas nojochchajeʼ Potifareʼ tu kʼubéentaj tuláakal u yotoch tiʼ. ¿Baʼaxten túun tiaʼan José cárceleʼ? Tu yoʼolal u yatan Potifar.

Le ka nojochchaj Joseiʼ sen kiʼichkelem, le oʼolal u yatan Potifareʼ u kʼáat kaʼach ka chilak José tu yéetel. Baʼaleʼ, Joseiʼ maʼ tu yóotiʼ, tumen u yojel leloʼ upʼéel baʼal maʼ utsiʼ. U yatan Potifareʼ jach kʼuuxilnaji. Le oʼolaleʼ, ka taal u yíichameʼ tu tsikbaltajtiʼ baʼaloʼob maʼ jaajtakiʼ: ¡Le Joseoʼ jach kʼasaʼan, tu yóotaj kaʼach chital tin wéetel! Potifareʼ tu oksaj óoltaj baʼax tiaʼalaj u yatan, ka jach kʼuuxilnaj yéetel José, ka tu beetaj u kʼalaʼal cárcel.

Le j-kanan cárceloʼ maʼ xáanchaj ka tu yilaj Joseiʼ utsul máak. Le oʼolaleʼ tu pʼataj u kanáant tuláakal le máaxoʼob kʼalaʼanoʼoboʼ. Upʼéel u kʼiinileʼ, Faraoneʼ kʼuuxchaj yéetel le máax pichik vino u yukʼoʼ bey xan yéetel u j-meen waaj, ka tu beetaj u kʼalaʼaloʼob cárcel. Upʼéel áakʼabeʼ, cada utúul tiʼobeʼ tu wayaʼtoʼob upʼéel baʼal jelaʼan. Baʼaleʼ maʼ u yojloʼob baʼax u kʼáat u yaʼaliʼ. Le ka sáaschajeʼ, Joseiʼ tiaʼalajtiʼob: Tsikbalteʼexten baʼax ta wayaʼteʼex. Yéetel túun u yáantaj Dioseʼ, Joseiʼ tu tsolajtiʼob baʼax u kʼáat yaʼal u wayakʼoʼoboʼ.

Joseiʼ tiaʼalaj tiʼe máax pichik le vinooʼ: Ichil óoxpʼéel kʼiineʼ yaan a jóoʼsaʼal, yaan a meyaj tu kaʼatéen yiknal Faraón. Joseiʼ tu kʼubéentajtiʼ: Ken jóoʼkecheʼ, áanten ka jóoʼken xan, tʼaanen maʼalob tin woʼolal tu táan Faraón. Baʼaleʼ, tiʼ le j-meen waajoʼ, Joseiʼ tiaʼalaj: Ichil óoxpʼéel kʼiineʼ Faraoneʼ yaan u kúul xotʼtik a pool.

Ka máan le óoxpʼéel kʼiinoʼ, jach jeʼex úuchik u yaʼalik Joseoʼ, bey úuchik. Faraoneʼ tu kúul xotʼtaj u pool le j-meen waajoʼ. Baʼaleʼ, le máax pichik le vinooʼ jóoʼsaʼabeʼ ka káaj u kaʼa meyajtik le reyoʼ. Chéen baʼaleʼ maʼ kʼaʼaj José tiʼiʼ, maʼ tu pʼataj utsil tu táan Faraoniʼ, le oʼolaleʼ Joseiʼ yanji u pʼáatal teʼ cárceloʼ.