LE KA suunaj Moisés Egiptoeʼ, tu tsikbaltaj tiʼ Aarón le milagroʼoboʼ. Le ka eʼesaʼab le milagroʼob tiʼ le israelitaʼob tumen Moisés yéetel Aaroneʼ, tuláakloʼob oksaj óolt tiaʼan Dios tu yéeteloʼobeʼ.

Moisés túun yéetel Aaroneʼ bin u yiloʼob Faraón. Tiaʼaloʼobtiʼ: Jéeoba u Dios Israeleʼ kiaʼalik: Chaʼa u bin in kaajal óoxpʼéel kʼiin, utiaʼal ka u meyajtenoʼob teʼ x-tokoy luʼumoʼ. Baʼaleʼ, Faraoneʼ tiaʼalaj: Teneʼ maʼatech in oksaj óoltik Jéeoba. Maʼatan in chaʼik u bin Israel.

Faraoneʼ jach kʼuuxilnaji, tumen le kaajoʼ u kʼáat u jóokʼs u súutukil utiaʼal u meyajtkoʼob Jéeoba ichil u súutukil u meyajoʼob. Le oʼolaleʼ, tu beetaj u maas meyajoʼob. Le israelitaʼob túunoʼ tiaʼaloʼobeʼ tu yoʼolal Moisés sen beetaʼab u meyajoʼob, le oʼolaleʼ Moiseseʼ jach okʼom óolchaji. Baʼaleʼ, Jéeobaeʼ tiaʼalajtiʼ maʼ u chiʼichnaktal. Ka tiaʼalaj tiʼ Moisés: Yaan in beetik u chaʼik Faraón u bin in kaajal.

Moisés yéetel Aaroneʼ bin u kaʼa iloʼob Faraón. Le kʼiin jeʼeloʼ tu beetoʼob upʼéel milagro. Aaroneʼ tu pulaj u xóolteʼ teʼ luʼumoʼ ka suunaj utúul nojoch kaanil. Baʼaleʼ, u j-kaʼanal naʼatoʼob Faraoneʼ tu pulajoʼob xan u xóolteʼob teʼ luʼumoʼ, ka suunaj xan kaaniloʼob. Baʼaleʼ, ¡ilawile!, u xóolteʼ Aarón suunajaʼan kaaniloʼ táan u lukʼik le kaanoʼob tu beetaj le j-kaʼanal naʼatoʼoboʼ. Kex beyoʼ, Faraoneʼ láayliʼ maʼ tu chaʼaj u bin le israelitaʼoboʼ.

Le oʼolaleʼ, Jéeobaeʼ kʼuch u kʼiinil u taasik talmil tu yóokʼol Faraón. ¿A wojel wa baʼax tu beetaj? Tu beetaj u taal diez noj yajiloʼob, wa nukuch talmiloʼob yóokʼol Egipto.

Ka tsʼoʼok yaʼab tiʼ le noj yajiloʼobaʼ, Faraoneʼ tu tʼanaj Moiseseʼ ka tiaʼalajtiʼ: Xuʼuls le noj yajilaʼ, ka in chaʼa u bin Israel. Baʼaleʼ, ken xuʼulsaʼak le noj yajiloʼ, ku kʼexik u tuukul. Maʼatech u chaʼik u binoʼob. Baʼaleʼ, le ka tsʼoʼok le u diez noj yajiloʼ tiaʼalajtiʼob ka jóoʼkoʼob.

¿A wojel wa máakalmáak le diez noj yajiloʼoboʼ? Koʼox ilik uláakʼ tsikbaliloʼ, ka k-il máakalmáakoʼob.