ILAWIL Josué. Letiʼeʼ táan u yaʼalik: ¡Kʼiin, maʼ péek! Le Kʼiin túunoʼ waʼalaji. Maʼ tʼúub buul kʼiiniʼ. ¡Jéeoba beet u yúuchul lelaʼ! Baʼaleʼ, koʼox ilik baʼaxten maʼ u kʼáat Josué ka séeb áakʼabchajkiʼ.

Ka káaj u baʼateʼel u cinco kʼasaʼan reyiloʼob Canaán yéetel u kajnáaliloʼob Gabaoneʼ, le gabaonitaʼoboʼ tu túuxtoʼob utúul máak kʼáatik áantaj tiʼ Josué. Letiʼeʼ tiaʼalaj: ¡Koʼoten tu séebaʼanil t-iknal! ¡Áantoʼoniʼ! Tuláakal le reyoʼob kajaʼanoʼob teʼ witsoʼoboʼ táan u taal u baʼateltoʼonoʼob.

Josué túun yéetel u soldadoʼobeʼ binoʼob tu séebaʼanil. Máan áakʼab táan u binoʼob. Le ka kʼuchoʼob Gabaoneʼ, u soldadoʼob le cinco reyoʼoboʼ sajakchajoʼob ka káaj u púutsʼloʼob. Jéeoba túuneʼ tu beetaj u kʼáaxal nukuch bat, maas yaʼab soldadoʼob kíimsaʼab tumen le bat tiʼ le kíimsaʼab tumen u soldadoʼob Josueoʼ.

Josueiʼ tu yilaj taʼaytak u tʼúubul le Kʼiinoʼ. Wa ku éeʼjochʼeʼentaleʼ, yaʼab tiʼ u soldadoʼob le cinco kʼasaʼan reyoʼoboʼ yaan u púutsʼloʼob. Le oʼolaleʼ, Josueiʼ payalchiʼinaj tiʼ Jéeoba, ka tiaʼalaj: ¡Kʼiin, maʼ péek! Úuchik u waʼatal le Kʼiinoʼ, le israelitaʼoboʼ páajchaj u tsʼoʼokskoʼob le baʼateloʼ.

Tu luʼumil Canaaneʼ yaan yaʼab uláakʼ kʼasaʼan reyoʼob pʼekmai u kaajal Diosiʼ. Tiʼ Josué yéetel u soldadoʼobeʼ tu bisaj seis jaʼaboʼob u tsʼáanchaʼatkoʼob 31 reyoʼob tiʼ le luʼum jeʼelaʼ. Ka tsʼoʼokeʼ, Josueiʼ tu jatsaj le luʼum utiaʼal u tʼox tiʼ le israelitaʼob minaʼan u luʼumoʼoboʼ.

Máan yaʼab jaʼaboʼob túuneʼ, ka kíim Josué tu 110 jaʼabil. Le kuxaʼan kaʼach Josué yéetel uláakʼ u nuuktakiloʼob le kaajoʼ, le máakoʼoboʼ ku beetkoʼob baʼax u kʼáat Jéeoba. Baʼaleʼ le ka kíimoʼobeʼ, le máakoʼoboʼ tu beetoʼob baʼaloʼob kʼaastak, ku tsʼoʼoleʼ tu yoksubaʼob ich yaʼab talamil. Beoora túunaʼ jach kʼaʼabéettiʼob u yáantaj Dios.