¿JACH wa kaan le u bakʼmuba teʼ cheʼoʼ? Maʼatech. Lelaʼ beetaʼan yéetel cobre. Jéeobaeʼ tiaʼalaj tiʼ Moisés ka u bakʼ tiʼ upʼéel kaʼanal cheʼ yoʼolal u páajtal u yilaʼal tumen le máakoʼob utiaʼal maʼ u kíimloʼoboʼ. Baʼaleʼ, le uláakʼ yanoʼob teʼ luʼumoʼ jach kaanoʼob. Tu chiʼijoʼob le máakoʼoboʼ, le máakoʼob túunoʼ kʼojaʼanchajoʼob. ¿A wojel wa baʼaxten úuch tuláakal lelaʼ?

Tumen le israelitaʼoboʼ joʼopʼ u yaʼalikoʼob maʼ utstutʼaanoʼob bix u nuʼuktaʼaloʼob tumen Dios yéetel tumen Moisesiʼ. Tiaʼaloʼob: ¿Baʼaxten ta jóoʼsoʼon Egipto utiaʼal a taasoʼon kíimil teʼ x-tokoy luʼumaʼ? Wayeʼ minaʼan jaʼ yéetel minaʼan baʼal utiaʼal jaantbil. Ku tsʼoʼoleʼ tsʼoʼok u náakal k-óol k-jaant le manaaʼ.

Baʼaleʼ, le manaoʼ upʼéel maʼalob janal. Jéeoba tsʼáatiʼob yéetel upʼéel milagro. Bey jeʼex úuchik u tsʼáaik jaʼ tiʼobeʼ. Baʼaleʼ letiʼobeʼ maʼ tu tsʼáajoʼob u nib óolalil úuchik u kanáantaʼaloʼobiʼ. Le oʼolal Jéeobaeʼ tu túuxtaj le kaanoʼob utiaʼal chiʼik le israelitaʼoboʼ. Yaʼab tiʼ letiʼobeʼ kíimoʼob ka chiʼiboʼob tumen le kaanoʼoboʼ.

Ka túun taaloʼob yiknal Moiseseʼ, ka tiaʼaloʼob: Tsʼoʼok k-kʼebantal tu táan Jéeoba yéetel ta táan. Payalchiʼinen tiʼ Jéeoba yoʼolal u luʼsiktoʼon le kaanoʼobaʼ.

Moisés túuneʼ kʼáat óolnaj tiʼ Jéeoba tu yoʼolaloʼob. Ka túun aʼalaʼab tiʼ Moisés tumen Jéeoba ka u beet le kaan yéetel cobreaʼ. Tiaʼalaj xan tiʼ ka u bakʼ tiʼ upʼéel cheʼ, beyoʼ tuláakal le kun chiʼibileʼ kʼaʼabéet u paktik utiaʼal maʼ u kíimil. Moiseseʼ tu beetaj jach jeʼex aʼalaʼabiktiʼ tumen Dioseʼ. Bey túunoʼ, tuláakal le ku chiʼibloʼoboʼ, ken u paktoʼob le kaan beetaʼan yéetel cobreoʼ, maʼatech u kíimloʼob.

Lelaʼ yaan baʼax ku kaʼansiktoʼon. Tuláakloʼon beyoʼon jeʼex le israelitaʼob chiʼiboʼob tumen le kaanoʼoboʼ. Bejlaʼeʼ tuláakal máak ku chʼíijil, ku kʼojaʼantal yéetel ku kíimil. Lelaʼ ku yúuchuleʼ tumen k-yáax taataʼob Adán yéetel Evaeʼ tu náachkuntubaʼob tiʼ Jéeoba. Baʼaleʼ, Jéeobaeʼ ku tsʼáaiktoʼon u páajtalil utiaʼal ka kuxlakoʼon mantatsʼ.

Jéeobaeʼ tu túuxtaj Jesucristo u Paal way Luʼumeʼ. Jesuseʼ chʼuykíintaʼab tiʼ upʼéel cheʼ, tumen yaʼabeʼeʼ tu tukloʼob Jesuseʼ utúul máak kʼasaʼan. Baʼaleʼ Jéeobaeʼ tu tsʼáaj Jesús utiaʼal ku salvartoʼon. Wa k-paakat tu tojil Jesús yéetel wa k-tsaypachtikeʼ, jeʼel u páajtal u yantaltoʼon kuxtal minaʼan u xuuleʼ. Ku tsʼoʼoleʼ yaan k-kanik u maasil tiʼ lelaʼ.