Óoxpʼéel kʼiin kíimik Jesús ka kaʼa kuxkíintaʼabi. Le kʼiin jeʼeloʼ cinco u téenel tu chíikbesuba tiʼ u j-tsaypachoʼob. Ich cuarenta kʼiinoʼob táan u chíikbeskubatiʼob. Ka tsʼoʼokeʼ, jujuntúul u j-kaambaloʼob il u bin kaʼan. Tsʼoʼok diez kʼiinoʼob xiʼik kaʼaneʼ, Dioseʼ tu wekaj u kiliʼich muukʼ yóokʼol le j-kaambaloʼob ku páaʼtajoʼob Jerusalenoʼ.

Tsʼoʼok u chan máan kʼiineʼ, le máaxoʼob pʼekmil Diosoʼ tu beetoʼob u kʼalaʼal cárcel le j-kaambaloʼoboʼ, baʼaleʼ jóoʼsaʼaboʼob tumen utúul ángel. Estebaneʼ, utúul j-kaambal, muuruxtuntaʼab tumen le máaxoʼob pʼekmiloʼ. Baʼaleʼ, yaan k-kanik bix úuchik u yéeyik Jesús utúul tiʼe máaxoʼob pʼekmil utiaʼal ku beet upʼéel nojoch meyaj, le máakaʼ apóstol Pablo kʼaj óoltaʼabik. Óoxpʼéel jaʼab ka tak táankoch kíimik Jesús ka túuxtaʼab Pedro tumen Dios utiaʼal kʼaʼaytaj tiʼ máakoʼob maʼ judíoʼobiʼ, tiʼ Cornelio yéetel tiʼ u láakʼtsilil.

Yaan kex trece jaʼaboʼob úuchuk leloʼ ka tu káajsaj Pablo u yáax viajei u kʼaʼaytaj. Tu kaʼapʼéel u viajeiʼ, láakʼintaʼab tumen Timoteo. Pablo yéetel u yéet kʼaʼaytajoʼobeʼ yaʼab jakʼ óolbeʼen baʼaloʼob tu yiloʼob le táan u beetkoʼob le meyaj tsʼaʼabtiʼob tumen Diosoʼ. Tu tsʼookeʼ Pabloeʼ kʼalaʼab tu cárceli Roma. Kaʼapʼéel jaʼab ka chaʼabi, baʼaleʼ ka kʼaʼal tu kaʼatéeneʼ, letiʼ ka kíimsaʼabi. Ich le UK Jaatsaʼ yaan treintai dos u jaʼabil tsikbaliliʼ.