¡ILAWIL le cheem ku búululoʼ! ¡Táan u xeʼexetʼpajal! ¿Táan wa wilik le máakoʼob tsʼoʼok u pulkubaʼob ichil le jaʼoʼ? Yanoʼobeʼ tsʼoʼok u kʼuchloʼob jáal jaʼ. ¿Tiaʼan wa xan Pabloiʼ? Koʼox ilik baʼax ku yúuchul.

Kʼaʼajsej, kaʼapʼéel jaʼab kʼalaʼan Pablo tu kaajil Cesarea. Pablo yéetel le uláakʼ máakoʼob kʼalaʼanoʼobeʼ naʼaksaʼaboʼob tiʼ upʼéel cheem utiaʼal u bisaʼaloʼob Roma. Naatsʼ tiʼ u islai Cretaeʼ, woʼoltaʼab le cheem tumen upʼéel kʼaʼamkach iikʼoʼ. Le máakoʼoboʼ pʼáat maʼ tu páajtal u nuʼuktikoʼob le cheemoʼ. Pʼáat xan maʼ tu páajtal yilkoʼob le kʼiinoʼ, mix le eekʼoʼoboʼ. Tsʼoʼok u máan yaʼab kʼiin táan le kʼaʼamkach iikʼoʼ, le ku binoʼob teʼ cheemoʼ tu tukloʼob jach yaan u kíimloʼobeʼ.

Pablo túuneʼ waʼalajeʼ ka tiaʼalaj: Mix juntúul teʼex kun kíimliʼ; chéen le cheem kun xeʼexetʼpajloʼ. Tumen áaʼbeakeʼ taal utúul u ángel Dios tin wiknaleʼ ka tiaʼalajten: ¡Maʼ sajaktal, Pablo! Yaan a wantal tu táan César u jalaʼachil Roma. Dioseʼ yaan xan u kanáantik tuláakal le a wéet binoʼoboʼ.

¡Tsʼoʼok catorce kʼiinoʼob káajak le kʼaʼamkach iikʼoʼ, tu áakʼabileʼ le máakoʼob nuʼuktik le cheemoʼ tu yiloʼob maʼ jach taam le jaʼoʼ! Saajkoʼob u jatsʼkuba le cheem tiʼ tuunichoʼob ichil le éeʼjochʼeʼeniloʼ ka tu puloʼob le anclaʼoboʼ. Ka sáaschajeʼ tu yiloʼob u jáal le kʼáaʼnáaboʼ, ka túun joʼopʼ u yilik u natsʼkoʼob le cheemoʼoʼ.

Ka náatsʼoʼob tu jáal le jaʼoʼ, le cheemoʼ tu jatsʼuba tiʼe arena nikikbaloʼ ka kʼaʼaliʼiʼ. Le cheemoʼ káaj u xeʼexetʼpajal ka joʼopʼ u jaʼajatsʼaʼal tumen le jaʼoʼ. Le máax kanáantik le máakoʼob kʼalaʼanoʼoboʼ tiaʼalaj: Tuláakal le ku páajtal u nadareʼ, xiʼik tak tu jáal le kʼáaʼnáaboʼ; u maasiloʼoboʼ u pulubaʼob ichil le jaʼoʼ, meyajnaktiʼob u xéexetʼal le cheem utiaʼal maʼ u búululoʼoboʼ. Bey úuchik u beetkoʼoboʼ, ka tsʼoʼokeʼ le 276 máakoʼob yanoʼob kaʼach teʼ cheemoʼ maʼ kíimoʼobiʼ, kʼuchoʼob tu jáal le kʼáaʼnáaboʼ, jach jeʼex úuchik u yaʼalik le ángeleʼ.

U kʼaabaʼ le islaoʼ, Malta. Jach uts u kajnáaliloʼob, tu yáantoʼob le máakoʼob taaloʼob teʼ cheemoʼ. Ka chan jéetsʼ le iikʼoʼ, naʼaksaʼab Pablo tuláakʼ cheemeʼ ka bisaʼab tu kaajil Roma.