KA TSʼOʼOK u tsʼakik le kaʼatúul máakoʼob chʼóoptakeʼ, Jesuseʼ bin tiʼ upʼéel chan kaaj yaan náatsʼ tiʼ Jerusalén. Tiaʼalaj tiʼ kaʼatúul u j-kaambaloʼob: Oojkeʼex teʼ kaajaʼ tiʼ ken a wileʼex yaan utúul chan burro kʼaxaʼaniʼ. Wachʼeʼex ka taaseʼexten.

Ka taasaʼab le chan burrooʼ naʼatʼ tumen Jesús ka bin tu kaajil Jerusalén, le tuʼux yaan kaʼach Jesusaʼ maʼ jach náach u taal tiʼ Jerusaleniʼ. Ka náatsʼ túuneʼ, jóokʼ yaʼabach máakoʼob kʼamik. Le máakoʼobaʼ tu jayláantaj u nookʼoʼob teʼ yóoʼ bejoʼ. Uláakʼoʼob xaneʼ tu jayoʼob u leʼ xaʼan, ka tu kʼaʼam aʼaloʼob: ¡Kiʼikiʼtʼantbi le rey ku taal tu kʼaabaʼ Diosoʼ!

Úuchjeakileʼ tu kaajil Israeleʼ ken u kʼamubaj utúul máak utiaʼal u beet u reyileʼ ku yokol tu noj kaajil Jerusalén yóokʼol utúul burro, utiaʼal ka kʼaj óoltaʼak tumen le kaajoʼ. Bey xan tu beetil Jesusoʼ. Le máakoʼob túunaʼ táan u yeʼeskoʼob utstutʼaanoʼob ka u beetuba reyil Jesús. Baʼaleʼ maʼ jach tuláakal utstutʼaaniʼ. Lelaʼ chíikpaj yoʼolal le baʼax úuch ka bin Jesús teʼ templooʼ.

Teʼ templooʼ Jesuseʼ tu tsʼakaj máakoʼob chʼóopoʼob yéetel móochoʼob. Le mejen paalal ka tu yiloʼob lelaʼ, ka joʼopʼ u kiʼikiʼtʼantkoʼob Jesús. Baʼaleʼ lelaʼ tu beetaj u kʼuuxil le j-kʼiinoʼoboʼ, ka tiaʼaloʼob tiʼ Jesús: ¿Táan wa wuʼuyik baʼax kiaʼalik le mejen paalaloʼ?

Jesuseʼ tu núukaj: Táan, ¿maʼ wa xokmeʼex teʼ Biblia tuʼux kiaʼalik: Tu chiʼ mejen paalal ken u jóoʼs Dios kiʼikiʼ tʼaanoʼ? Le mejen paalal túunoʼ maʼ tu xulaj u kiʼikiʼtʼantkoʼob le rey yéeyaʼan tumen Diosoʼ.

Toʼoneʼ k-kʼáat beetba xan jeʼex le mejen paalaloʼ, ¿máasaʼ? Yaan wal máakoʼob ku taaktal u xuʼulsik k-tsikbaltik u reino Dioseʼ. Baʼaleʼ toʼoneʼ maʼatan k-xulik tʼaan tiʼe jatsʼuts baʼaloʼob ken u beet Jesús maʼ kun xáantaloʼ.

Le tiaʼan Jesús way Luʼumeʼ maʼ kʼuchuk u kʼiinil kaʼach utiaʼal u beetkuba reyiliʼ. ¿Baʼax kʼiin túun ken káajak u reinar? Le j-kaambaloʼoboʼ u kʼáatoʼob kaʼach xan u yojéeltoʼob. Koʼox kanik.