ILAWIL Samuel táan u yalik aceite tu pool le máakaʼ. Lelaʼ ku beetaʼal kaʼach utiaʼal u yeʼesaʼal tsʼoʼok u yéeyaʼal wa máax utiaʼal u beet u reyil. Jéeobaeʼ tiaʼalaj tiʼ Samuel ka u yal aceite tu pool Saúl. Le aceiteaʼ maʼ jeʼex u maasiloʼoboʼ, jach kiʼibok.

Sauleʼ maʼ tu oksaj óoltik wa noʼojaʼan utiaʼal ku beetuba reyil. Tiaʼalaj tiʼ Samuel: Teneʼ tiʼ u chʼiʼibal Benjamín in taal, u maas chichnil tiʼ Israel. ¿Baʼaxten ka waʼalik yaan in beetkimba reyil? Tiʼ Jéeobaeʼ ku lúubul utsil Saúl, tumen maʼatech u taaskuba nojbaʼalil. Le oʼolal tu yéeyaj utiaʼal ku beetuba reyil.

Baʼaleʼ Sauleʼ maʼ utúul máak óotsiliʼ mix xan utúul máak chichniʼ. Letiʼeʼ líikʼ ichil upʼéel láakʼtsilil jach ayikʼal, ku tsʼoʼoleʼ jach kiʼichkelem yéetel jach kaʼanal u baakel. ¡Óoliʼ upʼéel metro u maas kaʼanlil tiʼ u maasil israelitaʼoboʼ! Sauleʼ jach chich u yáalkab yéetel jach yaan u muukʼ. Le máakoʼoboʼ kiʼimakchaj u yóoloʼob úuchik u yéeyaʼal Saúl tumen Jéeoba utiaʼal u beet u reyil. Tuláakal tu yawtoʼob: ¡Kuxlak mantatsʼ k-rey!

Láayliʼ yaʼab máax pʼekmai le israelitaʼoboʼ. Le amonitaʼoboʼ taaloʼob baʼateʼel tu yéeteloʼob le maʼ úuch beetaʼak reyil Sauloʼ. Chéen baʼaleʼ Sauleʼ tu muchʼaj yaʼab soldadoʼobeʼ ka tu tsʼáanchaʼataj le amonitaʼoboʼ. Le israelitaʼoboʼ kiʼimakchaj u yóoloʼob tumen Saúl u reyoʼob.

Ka máan le jaʼaboʼoboʼ, Sauleʼ tu nuʼuktaj le israelitaʼob utiaʼal ku ganartoʼob yaʼab baʼateloʼ. Yaan xan utúul u xibil paal Saúl maʼ saajkiʼ, u kaʼabaeʼ Jonatán. Letiʼeʼ tu yáantaj Israel u ganart yaʼab baʼateloʼob xan. Le filisteoʼoboʼ láayliʼ u jach pʼekmoʼob u kaajil Israeleʼ. Upʼéel u kʼiinileʼ, yaʼabach filisteoʼob taaloʼob baʼateʼel yéetel Israel.

Samueleʼ tiaʼalaj ka páaʼtaʼak u kʼuchul tumen Saúl utiaʼal u kʼubik upʼéel siibal tiʼ Jéeoba. Baʼaleʼ Samueleʼ maʼ séeb kʼuchiʼ. Saúl túuneʼ sajakchaj u jáan káajsaʼal le baʼateʼel tumen le filisteoʼoboʼ, ka tu jáan kʼubaj le siibaloʼ. Le ka kʼuch Samueleʼ tiaʼalaj tiʼ Saúl: Tsʼoʼok a beetik a j-maʼ uʼuyaj tʼaanil. Jéeobaeʼ yaan u yéeyik yaanal máak u beetuba reyil tiʼ Israel.

Tuláakʼ kʼiineʼ Sauleʼ tu kaʼa beetaj u j-maʼ uʼuyaj tʼaanil. Samuel túuneʼ tiaʼalajtiʼ: Maas maʼalob ka uʼuyaʼak u tʼaan Jéeoba ke ka bisaʼak u maas tʼaʼajil taman siibil tiʼ. Tumen maʼ ta beetaj baʼax u kʼáat Jéeobaeʼ, letiʼeʼ yaan u xuʼulsik a beetkaba reyil tiʼ Israel.

Lelaʼ ku kaʼansiktoʼon upʼéel maʼalob baʼal. Ku yeʼesiktoʼon kʼaʼabéet k-uʼuyik u tʼaan Jéeoba mantatsʼ. Ku yeʼesiktoʼon xaneʼ utúul máak uts jeʼex Saúl kaʼacheʼ, jeʼel u suut kʼasaʼanileʼ. Mix juntéen kʼaʼabéet k-chaʼik u yúuchultoʼon beyaʼ, ¿máasaʼ?