LE KA káaj u gobernar David tu kaajil Jerusaleneʼ, áantaʼab u soldadoʼob tumen Jéeoba utiaʼal ku ganartoʼob yaʼab baʼateloʼob. Jéeoba Dioseʼ u yaʼalmaj u tsʼáaik u luʼumil Canaán tiʼe israelitaʼoboʼ. Yéetel túun u yáantaj Jéeobaeʼ tsʼoʼok u tiaʼalintkoʼob tuláakal le luʼum aʼalaʼan u tsʼaʼabaltiʼoboʼ.

Davideʼ maʼalob u gobernar. Letiʼeʼ u yaabilma Jéeoba. Le oʼolaleʼ, le yáax baʼax tu beetaj ka tsʼoʼok u chʼaʼik u kaajil Jerusaleneʼ, letiʼe u bisik u baʼascheʼi u nuptʼaan Jéeobaoʼ. Davideʼ u kʼáat xan u beet upʼéel templo utiaʼal u tsʼáaik.

Chéen upʼíit jaʼaboʼob máanakeʼ, Davideʼ tu beetaj upʼéel baʼal kʼaas. Letiʼeʼ u yojel maʼ maʼalob u chʼaʼabal upʼéel baʼal maʼ utiaʼal máakiʼ. Baʼaleʼ, utéenjeak tiaʼan David yóokʼol u palacio táan u káajal u yáakʼabtaleʼ, paakatnaj kabaleʼ ka tu yilaj utúul koʼolel jach kiʼichpam. U kʼaabaʼeʼ Betsabé (Bat-seba), u yíichameʼ Urías, utúul u soldado David.

Davideʼ jach utschaj tu yich Betsabeiʼ ka tu beetaj u taasaʼal teʼ palaciooʼ. U yíichameʼ náach yaan, bijaʼan tiʼ upʼéel baʼateʼel. David túuneʼ chilaj yéetel Betsabé, ka máan kʼiineʼ Davideʼ tu yojéeltaj yaan u yantal u chaambal Betsabé. Letiʼeʼ jach chiʼichnakchaji, ka tiaʼalaj tiʼ Joab u nojchil u soldadoʼob ka u tsʼáa Urías tu táan le baʼateloʼ yoʼolal u kíimsaʼal. Ka kíimsaʼab Uríaseʼ, Davideʼ tsʼoʼok u beel yéetel Betsabé.

Jéeobaeʼ jach kʼuuxilnaj tiʼ David. Ka tu túuxtaj Natán, u palitsil, utiaʼal u yaʼal baʼax kʼebanil tsʼoʼok u beetik David. Jeʼel u páajtal a wilik Natán yéetel David teʼ dibujoaʼ. Davideʼ jach yaachaj u yóol yoʼolal le baʼax tsʼoʼok u beetkoʼ, le oʼolal saʼasaʼab u kʼeban tumen Jéeoba. Baʼaleʼ tiaʼalajtiʼ: Tumen tsʼoʼok a beetik le baʼaloʼob kʼaastakaʼ, yaan u sen yantal yaʼab talmiloʼob ta wotoch. ¡Jach bey xan úuchikoʼ!

Yáaxeʼ, u chaambal Betsabeiʼ kíimi. Ka tsʼoʼokeʼ, Amnón, u yáax paal Davideʼ, kex maʼ u kʼáat Tamar, u yíitsʼineʼ, tu beetaj u chital tu yéetel. Absalón, uláakʼ utúul u paal Davideʼ, jach kʼuuxchaj yoʼolal le baʼax úuchoʼ, ka tu kíimsaj Amnón. Ku tsʼoʼoleʼ, Absaloneʼ tu yilaj bix u lúubul utsil tiʼ yaʼab máakoʼob utiaʼal u beetaʼal reyil. Ka tsʼoʼokeʼ, Davideʼ tu ganartaj le baʼateʼel tiʼ Absalonoʼ, ka kíim túun Absalón. Beyoʼ, Davideʼ tu muʼyajtaj yaʼab talmiloʼob.

Le táan túun u yúuchul tuláakal lelaʼ, Betsabeiʼ yanchaj uláakʼ utúul u chaambal u kʼaabaʼeʼ Salomón. Le ka chʼíij David yéetel ka kʼojaʼanchajeʼ, Adonías, u paaleʼ, tu yóotaj u beetuba reyil. Baʼaleʼ, Davideʼ tu beetaj u yalaʼal aceite tu pool Salomón tumen Sadoc, le j-kʼiinoʼ, utiaʼal u yeʼesik Salomón ken u beet u reyil. Maʼ úuch túun tiʼ leloʼ ka kíim David, 70 jaʼaboʼob yaan tiʼ ka kíimi. Bey túunoʼ, cuarenta jaʼaboʼob gobernarnaji. Beooraaʼ Salomón u reyil.