Teʼ jaatsaʼ yaan u káajal k-xokik le tsikbaloʼob yaan teʼ Tsʼíiboʼob ich Griegooʼ. Yaan k-ilkeʼ Jesúseʼ síij tiʼ junpʼéel familia óotsil kajaʼan kaʼach tiʼ junpʼéel chan kaaj, meyajnaj bey carpintero yéetel u papá. Jesús yéeyaʼab tumen Jéeoba utiaʼal u beet u Reyil le Reino yaan teʼ kaʼanoʼ, letiʼ kun salvartik máak. Wa yaan a paalaleʼ áant u naʼatoʼob Jéeobaeʼ tu yéeyaj tubeel le familia tuʼux kun síijil Jesúsoʼ utiaʼal ka líikʼik yiknal utsul máakoʼob. Tsoltiʼobeʼ Jéeobaeʼ tu kanáantaj Jesús ka taakchaj u kíimsaʼal tumen Herodes. Eʼestiʼobeʼ mantatsʼ ku béeytal le baʼax u tukultmaj Jéeobaoʼ. Kaʼanstiʼobeʼ Jéeobaeʼ tu yéeyaj Juan utiaʼal u káajsik le meyaj ken u beet Jesúsoʼ. Eʼestiʼob bix tu yaabiltil Jesús desde tu chichnil u tsolnuʼukoʼob Jéeoba yéetel maʼ confiarnaj chéen tiʼ baʼax ku tuklikiʼ.