Aprovechart le xook ku tsʼaʼabaltech yéetel le Bibliaoʼ
Táanil tiʼ u káajal a xokik le libroaʼ xok le jaatsaʼ, kéen tsʼoʼokkeʼ ka chaʼantik le VIDEOOʼ.
YÁAX JAATS
Antes tiʼ u tsʼaʼabaltech xookeʼ ilawil a xokik u yáax páginail cada xook. Le preguntaʼob yaan u númeroiloʼob (A) yéetel le tekstoʼob maas boox u letrailoʼoboʼ (B) ku yeʼeskoʼob máakalmáak le kaʼansajoʼob maas kʼaʼanaʼantakoʼ. Yaan a wilik xaneʼ yaan jujunpʼéel tekstoʼob ku yaʼalik ka xoʼokok.
KAʼA JAATS
Le yáax párrafo ku taasik le jaats «Utiaʼal a maas naʼatik» ku tsolik baʼax kun ilbil teʼ jaatsoʼ (C). Le joʼol xook yaan u númeroiloʼoboʼ ku yeʼesik le baʼaloʼob maas kʼaʼanaʼantakoʼ (D). Teech yéetel le máax tsʼáaiktech xookoʼ yaan a xokikeʼex le tekstoʼoboʼ, tsʼoʼoleʼ yaan a núukikeʼex le preguntaʼoboʼ yéetel yaan a chaʼantikeʼex le videoʼoboʼ.
VIDEOʼOB. Le videoʼob ku taasik le cuadroʼoboʼ yaan u yáantkech a naʼat le baʼax táan a xokikoʼ. Jujunpʼéel videoʼobeʼ jóoʼsaʼan tiʼ le baʼax uchaʼan ichil u kuxtal máakoʼ. Uláakʼoʼobeʼ maʼ, pero ku yeʼeskoʼob bey baʼax jeʼel u yúuchul ichil u kuxtal máakeʼ.
Chaʼant le dibujoʼoboʼ yéetel xok le baʼax ku tsoʼolol tu yoʼolaloʼoboʼ (E). Tukult bix jeʼel a núukik le baʼaxoʼob ku taasik le jaats «Baʼax suuk u yaʼalaʼal» (F).
ÓOX JAATS
Cada xookeʼ ku tsʼoʼokol yéetel le jaats «Baʼax tsoʼoli» yéetel «Baʼax ta kanaj» (G). Tsʼíibt baʼax kʼiin ka ta tsʼoʼoksaj le xookoʼ. Le cuadro «Beet lelaʼ» yaan u yáantkech a tsʼáa ichil a kuxtal le baʼax táan a kanikoʼ (H). Jeʼel u páajtal a wilik uláakʼ xookoʼob yéetel videoʼob teʼ jaats «Kan u maasil» (I).
Kan a kaxt u tekstoiloʼob le Bibliaoʼ
Ichil le Bibliaoʼ yaan 66 libroʼobiʼ. Kaʼa jaats yaantiʼ: le libroʼob tsʼíibtaʼaboʼob ich hebreo yéetel arameooʼ bey xan le tsʼíibtaʼaboʼob ich griegooʼ. Yaan máaxoʼob xan kʼaj óoltmil bey Antiguo testamento yéetel Nuevo Testamento.
Le kéen chʼaʼchiʼitaʼak junpʼéel u tekstoil le Biblia teʼ libroaʼ táanileʼ yaan u chíikpajal u kʼaabaʼ le librooʼ (A). Tsʼoʼoleʼ u númeroil le capítulooʼ (B), kéen tsʼoʼokkeʼ u númeroil le versículo wa le versículoʼoboʼ (C).
Por ejemploeʼ Juan 17:3, u kʼáat u yaʼaleʼ «u libroil Juan, capítulo 17, versículo 3».
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
