XOOK 10
¿Baʼaxten maʼalob ka a muchʼaba yéetel u testigoʼob Jéeoba?
¿Tsʼoʼok wa a invitartaʼal tiʼ le reuniónoʼob ku beetik u testigoʼob Jéeobaoʼ? Maʼ xaaneʼ jeʼel a nerviosotal le yáax ken xiʼikechoʼ. Wa maʼ xaaneʼ jeʼel xan a tuklik lelaʼ: «¿Baʼax wal ku beetik le Testigoʼob kéen u muchʼubaʼoboʼ? ¿Baʼaxten jach kʼaʼanaʼan u yilik u muchʼkubaʼob? ¿Kʼaʼabéet wa xan in muchʼkinba tu yéeteloʼob?». Teʼ xookaʼ yaan a kanikeʼ le reuniónoʼoboʼ jeʼel u yáantkech utiaʼal ka a maas natsʼaba tiʼ Dioseʼ yéetel jeʼel xan u yáantkech ichil a kuxtaleʼ.
1. ¿Baʼaxten k-muchʼikba?
Juntúul máax tsʼíibt le Bibliaoʼ tu yaʼalaj baʼaxten k-muchʼikba: «Yaan in alabartik Jéeoba junmúuchʼ yéetel le máaxoʼob adorarkoʼ» (Salmo 26:12). Teʼ kʼiinoʼobaʼ u testigoʼob Jéeobaeʼ yéetel kiʼimak óolal ku muchʼkubaʼob. Tiʼ tuláakal yóokʼol kaabeʼ cada semana ku muchʼkubaʼob utiaʼal u alabarkoʼob Dios, utiaʼal u kʼaayoʼob yéetel utiaʼal u oraroʼob. Tsʼoʼoleʼ cada añoeʼ ku beetkoʼob asambleaʼob tuʼux ku maas yaʼabtal le máaxoʼob ku muchʼkubaʼoboʼ.
2. ¿Baʼax ken a kan teʼ reuniónoʼoboʼ?
Tuláakal le baʼaxoʼob ku tsoʼolol teʼ reuniónoʼoboʼ teʼ Biblia ku jóoʼsaʼaloʼ. Tsʼoʼoleʼ jach maʼalob u tsoʼolol «baʼax u kʼáat u yaʼale» (xok Nehemías 8:8). Wa ka bineʼ yaan a maas kʼaj óoltik bix u jatsʼuts modos Jéeoba. Le kéen a wil jach u yaabiltmecheʼ yaan u taaktal a maas natsʼkaba tiʼ. Yaan xan a kanik bix jeʼel u yáantkech Jéeoba utiaʼal ka yanak u biilal a kuxtaleʼ (Isaías 48:17, 18).
3. ¿Bix ken u yáantilech le máaxoʼob ku muchʼkubaʼoboʼ?
Jéeobaeʼ ku yaʼaliktoʼon ka ‹k-paklan áantba utiaʼal ka yanak yaabilaj ichiloʼon bey xan utiaʼal ka k-beet baʼaloʼob maʼalobtak› (Hebreos 10:24, 25). Ku yaʼalik xaneʼ maʼ unaj u xuʼulul k-muchʼikbaiʼ. Teʼ reuniónoʼoboʼ yaan a kʼaj óoltik máakoʼob jach u yaabiltmubaʼob yéetel u kʼáatoʼob xan u natsʼubaʼob tiʼ Dios. Tsʼoʼoleʼ teʼ Biblia ku jóoʼskoʼob le baʼaxoʼob ku tsikbaltikoʼoboʼ (xok Romanos 1:11, 12). Le baʼaxoʼob ku kaʼansaʼaloʼ teʼ Biblia u taaloʼ, teʼeloʼ yaan u páajtal a tsikbal yéetel máakoʼob tsʼoʼok u máanskoʼob jejeláas problemaʼob. Le oʼolal Jéeobaeʼ u kʼáat ka xiʼikoʼon teʼ reuniónoʼoboʼ.
UTIAʼAL A MAAS NAʼATIK
Koʼox ilik bix le reuniónoʼob ku beetik u testigoʼob Jéeobaoʼ yéetel baʼaxten maʼalob ka k-muchʼba tu yéeteloʼob.
4. Bix le reuniónoʼoboʼ
Desde teʼ yáax siglooʼ suuk kaʼach u muchʼkuba le máakoʼob utiaʼal u adorarkoʼob Jéeobaoʼ (Romanos 16:3-5). Xokeʼex Colosenses 3:16, kéen tsʼoʼokkeʼ ka tsikbaltikeʼex lelaʼ:
-
¿Bix u adorartaʼal kaʼach Jéeoba teʼ yáax siglooʼ?
Teʼ kʼiinoʼobaʼ le Testigoʼoboʼ láayliʼ ku muchʼkubaʼob utiaʼal u adorarkoʼob Jéeoba. Utiaʼal a wilkeʼex bix le reuniónoʼoboʼ chaʼanteʼex le VIDEOOʼ, yéetel ilawileʼex le dibujo eʼesik bix le reuniónoʼoboʼ, kéen tsʼoʼokkeʼ ka tsikbaltikeʼex lelaʼ:
-
Le baʼax ku beetaʼal teʼ reuniónoʼoboʼ, ¿chíikaʼan wa tiʼ le baʼax ku yaʼalik Colosenses 3:16?
-
Le ka ta chaʼantaj le video yéetel le dibujooʼ, ¿baʼax jatsʼuts ta wilil ku beetaʼal teʼ reuniónoʼoboʼ?
Xokeʼex 2 Corintios 9:7, kéen tsʼoʼokkeʼ ka tsikbaltikeʼex lelaʼ:
-
¿Baʼaxten maʼ tu maan kʼáatbil taakʼin teʼ reuniónoʼob ku beetik u testigoʼob Jéeobaoʼ?
Ilawil yéetel le máax tsʼáaiktech xook junpʼéel tiʼ le baʼaxoʼob kun ilbil teʼ reunión utiaʼal le semanaaʼ.
-
¿Baʼax jaatsil tiʼ le reunión ka tuklik jeʼel u yáantkecheʼ?
¿A wojel wa?
Teʼ jw.org jeʼel u páajtal a wilik tuʼux yéetel baʼax kʼiin ku beetaʼal reuniónoʼob tiʼ tuláakal yóokʼol kaab.
-
Teʼ reuniónoʼoboʼ ku máansaʼal discursoʼob, demostraciónoʼob yéetel ku yeʼesaʼal videoʼob. Le reuniónoʼoboʼ ku káajal yéetel junpʼéel kʼaay bey xan yéetel junpʼéel oración yéetel láayliʼ bey u tsʼoʼokoloʼ.
-
Yaan jaatsoʼob tuʼux jeʼel u páajtal u tichʼik u kʼab máak utiaʼal u comentar.
-
Jeʼel u páajtal u bin xiiboʼob, koʼoleloʼob, le tsʼoʼok u chʼíijloʼoboʼ bey xan paalaloʼob.
-
Teʼ reuniónoʼoboʼ maʼ tu cobrartaʼal u yokol máakiʼ mix tu máan molbil taakʼiniʼ.
5. Kex maʼ chéen chʼaʼabileʼ unaj u muchʼkuba máak
Tuukulnakoʼon tiʼ u familia Jesús. Letiʼob kaʼacheʼ kajaʼanoʼob Nazaret yéetel cada año ku binoʼob tu temploil Jerusalén. Utiaʼal leloʼ tres días táan u xíimbaloʼob ich montañaʼob. Xokeʼex Lucas 2:39-42, kéen tsʼoʼokkeʼ ka tsikbaltikeʼex lelaʼ:
-
A tuklikeʼ, ¿chéen chʼaʼabil wa u binoʼob kaʼach Jerusalén?
-
Kux teech, ¿yaan wa baʼax jeʼel u talamkúuntiktech a bin teʼ reuniónoʼoboʼ?
-
¿Ku valer wa u penail a bin teʼ reuniónoʼoboʼ? Wa beyoʼ, ¿baʼaxten?
Le Bibliaoʼ ku yaʼalikeʼ jach kʼaʼanaʼan ka k-muchʼba utiaʼal k-adorartik Jéeoba. Xokeʼex Hebreos 10:24, 25, kéen tsʼoʼokkeʼ ka tsikbaltikeʼex lelaʼ:
-
¿Baʼaxten unaj u suuktal k-bin teʼ reuniónoʼoboʼ?
BAʼAX SUUK U YAʼALAʼAL: «Maʼ kʼaʼabéet u muchʼkuba máak utiaʼal u adorartik Diosiʼ, cada quien yéetel u religión».
-
¿Baʼax tekstoil wa baʼax ejemploil eʼesik Jéeobaeʼ u kʼáat ka k-muchʼba?
BAʼAX TSOʼOLI
Le reuniónoʼoboʼ yaan u yáantkech utiaʼal ka a maas kʼaj óolt Jéeoba, utiaʼal ka a maas bisaba tu yéetel bey xan utiaʼal a múul adorartik yéetel u maasil máakoʼob.
Baʼax ta kanaj
-
¿Baʼaxten Jéeobaeʼ u kʼáat ka xiʼikoʼon teʼ reuniónoʼoboʼ?
-
¿Baʼax ken a kan teʼ reuniónoʼoboʼ?
-
¿Bix uláakʼ jeʼel u yáantkech le reuniónoʼoboʼ?
KAN U MAASIL
A tuklikeʼ, ¿jeʼel wa a nerviosotal wa ka xiʼikech tiʼ junpʼéel reunióneʼ? Juntúul máakeʼ bey u yuʼubikuba kaʼachoʼ, chéen baʼaleʼ utschaj tu yich u biniʼ. Ilawil baʼaxten.
Juntúul xiʼipaleʼ jach utschaj tu yich u bin reunión. Ilawil baʼax anchaj u beetik utiaʼal maʼ u xuʼulul u biniʼ.
Ilawil baʼax ku tuklik u maasil máakoʼob yoʼolal le reuniónoʼoboʼ.
Ilawil bix kʼexpajik u kuxtal juntúul pandillero úuchik u káajal u bin teʼ reuniónoʼoboʼ.
«Kaʼacheʼ in wéet máan in tsʼoon» (U Pʼiich Tulumil Kanan, 1 tiʼ julio tiʼ 2014)
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
