Jéeobaeʼ u kʼáat ka k-disfrutart le kuxtaloʼ yéetel maʼ kʼaas u yilik ka k-beet junpʼéel fiesta cada wa baʼax kʼiiniʼ. Pero, ¿maʼalob wa u yilik tuláakal le fiestaʼoboʼ? ¿Bix jeʼel k-eʼesik tiʼ Jéeoba k-yaabiltmeʼ yéetel k-kʼáat beet baʼax u kʼáat?

1. ¿Baʼaxten Jéeobaeʼ maʼ maʼalob u yilik tuláakal le fiestaʼoboʼ?

Maʼ tuláakal máak u yojel bix káajik u festejartaʼal jujunpʼéel fiestaʼobiʼ. Por ejemploeʼ yaʼab fiestaʼobeʼ káaj u beetaʼal tumen máaxoʼob maʼatech u adorarkoʼob Dios, le oʼolal ku beetaʼal baʼaloʼob ku bin tu contra le baʼax ku yaʼalik Diosoʼ. Maʼ xaaneʼ le fiestaʼobaʼ yaan yil yéetel le religiónoʼob maʼatech u kaʼanskoʼob u jaajiloʼ, yéetel espiritismo bey xan yéetel u creertaʼal ku pʼáatal kuxaʼanil u pixan máak kéen kíimik. Uláakʼ fiestaʼobeʼ káaj u festejartaʼal yoʼolal superstición bey xan ikil u creertaʼal le suerteoʼ (Isaías 65:11). Le oʼolal Jéeobaeʼ ku yaʼalik tiʼ le máaxoʼob adorarkoʼ: «Náachkuntabaʼextiʼob, xuʼuluk a machkeʼex le baʼax maʼ limpio yaniloʼ» (2 Corintios 6:17). a

2. ¿Bix u yilik Jéeoba le fiestaʼob tuʼux ku nojbaʼalkúuntaʼal wa máaxoʼ?

Jéeobaeʼ ku yaʼaliktoʼoneʼ maʼ unaj ‹k-kʼubik k-óol tiʼ k-éet máakiliʼ› (xok Jeremías 17:5). Yaan jujunpʼéel fiestaʼobeʼ ku beetaʼaloʼob tu kʼaabaʼ jujuntúul gobernanteʼob wa soldadoʼob. Uláakʼoʼobeʼ ku beetaʼal utiaʼal u festejartaʼal le banderaoʼ wa le ka pʼáat independienteil junpʼéel luʼumoʼ (1 Juan 5:21). Jujunpʼéel fiestaʼob xaneʼ ku beetaʼal yoʼolal baʼax ku beetik jujuntúul políticoʼob bey xan yoʼolal wa baʼax ku baʼateltik le máakoʼoboʼ. ¿Bix u yuʼubikuba Jéeoba wa tu lugar k-respetartikeʼ k-maas respetartik juntúul máak wa junmúuchʼ máakoʼob ku kaʼanskoʼob baʼaloʼob ku bin tu contra?

3. ¿Baʼaxoʼob maʼ unaj u beetaʼal tiʼ junpʼéel fiestaiʼ?

Le Bibliaoʼ ku yaʼalikeʼ maʼ unaj u píitmáan k-ukʼik vino, k-máan tiʼ fiestaʼob tuʼux mix baʼal ku tsʼaʼabal u pʼiis mix k-muchʼtal káaltaliʼ (1 Pedro 4:3). Tiʼ jujunpʼéel fiestaʼobeʼ le máakoʼoboʼ maʼatech u controlarkubaʼob yéetel ku beetkoʼob baʼaloʼob suʼtsiltak. Wa maʼ k-kʼáat ka xuʼuluk k-bisikba yéetel Jéeobaeʼ unaj k-náachtal tiʼ le baʼaloʼob kʼaastak ku beetaʼaloʼ.

 UTIAʼAL A MAAS NAʼATIK

 5. Beet u respetartaʼal baʼax ka creertik

6. Jéeobaeʼ u kʼáat ka kiʼimakchajak k-óol

Jéeobaeʼ uts tu tʼaan u yilik kiʼimak k-óol yaniloʼon yéetel k-familia bey xan yéetel k-amigoʼob. Xokeʼex Eclesiastés 8:15, kéen tsʼoʼokkeʼ ka tsikbaltikeʼex lelaʼ:

• Le tekstoaʼ, ¿bix u yeʼesiktoʼoneʼ Jéeobaeʼ u kʼáat ka kiʼimakchajak k-óol?

Jéeobaeʼ u kʼáat ka múuchʼ yanak le máaxoʼob meyajtikoʼ yéetel ka u kaxtoʼob u súutukil utiaʼal u náaysik u yóoloʼob. Chaʼanteʼex le VIDEO utiaʼal a wilkeʼex bix u múuchʼ yantal le máaxoʼob meyajtik Jéeoba teʼ asamblea internacionaloʼoboʼ.

Xokeʼex Gálatas 6:10, kéen tsʼoʼokkeʼ ka tsikbaltikeʼex lelaʼ:

• ¿Kʼaʼabéet wa u beetaʼal junpʼéel fiesta utiaʼal u beetaʼal wa baʼax yoʼolal u maasil?

• ¿Bix maas uts ta tʼaan a síik wa baʼax, letiʼe kéen síijik ta puksiʼikʼaloʼ wa letiʼe kéen obligartaʼakechoʼ?

• Yaʼab tiʼ u testigoʼob Jéeobaeʼ yaan horaeʼ ku beetkoʼob junpʼéel fiesta utiaʼal u paalaloʼob, tsʼoʼoleʼ yaan horaeʼ ku síikoʼob wa baʼax tiʼob. Wa yaan a paalaleʼ, ¿bey baʼaxoʼob jeʼel a beetik utiaʼal a kiʼimakkúuntik u yóoloʼobeʼ?

 BAʼAX TSOʼOLI

Jéeobaeʼ u kʼáat ka k-máans súutukoʼob yéetel k-familia bey xan yéetel k-amigoʼob utiaʼal u kiʼimaktal k-óol. Chéen baʼaleʼ maʼ u kʼáat ka táakpajkoʼon tiʼ fiestaʼob maʼ uts tu tʼaaniʼ.

Baʼax ta kanaj

• ¿Bey tiʼ baʼax preguntailoʼob unaj k-tuukul utiaʼal k-ojéeltik wa maʼalob u yilik Jéeoba junpʼéel fiestaeʼ?

• ¿Bix jeʼel k-tsolik tiʼ k-familia yéetel tiʼ k-amigoʼob baʼaxten maʼatech k-táakpajal tiʼ jujunpʼéel fiestaʼobiʼ?

• ¿Bix k-ojéeltik Jéeobaeʼ u kʼáat ka kiʼimakchajak k-óol yéetel ka k-jóoʼs tiempo utiaʼal k-náaysik k-óol?