Jesúseʼ tu yaʼaleʼ le máaxoʼob uts u puksiʼikʼaloʼoboʼ yaan u tsʼáaikoʼob cuenta máakalmáak u jaajil (Juan 10:4, 27). Le oʼolal k-kʼáat k-kaʼans tiʼ le máakoʼob baʼaxoʼob ku yaʼalik le Biblia séeb u naʼataʼaloʼoboʼ. Utiaʼal k-káajsik k-tsikbaleʼ jeʼel u páajtal k-aʼalikeʼ: «¿A wojel wa...?», wa « ¿A yáax uʼuymaj wa u yaʼalaʼaleʼ...?». Tsʼoʼoleʼ jeʼel u páajtal k-tsoliktiʼ junpʼéel baʼax ku yaʼalik le Bibliaoʼ. Le kéen tsʼoʼokkeʼ jeʼel u páajtal u meyajtoʼon junpʼéel teksto ku tʼaan tiʼ le baʼax k-tsikbaltikoʼ. Le kéen k-beet beyaʼ bey táan k-pakʼik junpʼéel chan semilla ichil u puksiʼikʼal le máax yéetel k-tsikbaloʼ. ¡Dioseʼ jeʼel u beetik u nojochtal le chan semillaoʼ! (1 Cor. 3:6, 7).

•  Baʼax ku taal u kʼiin

•  Familia

•  Dios

•  Oración

•  Jesús

•  U Reino Dios

•  Muʼyajil

•  Kíimil

•  Religión

 BAʼAX KU TAAL U KʼIIN

1. 1. Le baʼaxoʼob ku yúuchul teʼ kʼiinoʼobaʼ, yéetel le baʼaxoʼob ku beetik le máakoʼoboʼ ku yeʼeskoʼob natsʼaʼan u kʼiinil u kʼexpajal tuláakal baʼal (Mat. 24:3, 7, 8; Luc. 21:10, 11; 2 Tim. 3:1-5).

2. 2. Le Luʼumaʼ yaan u pʼáatal utiaʼal mantatsʼ (Sal. 104:5; Ecl. 1:4).

3. 3. Le Luʼumaʼ yaan u suʼutul paraísoil (Isa. 35:1, 2; Apo. 11:18).

4. 4. Yaan u kʼuchul u kʼiinileʼ mix máak kun kʼojaʼantal (Isa. 33:24; 35:5, 6).

5. 5. Jeʼel u páajtal a kuxtal utiaʼal mantatsʼ way Luʼumeʼ (Sal. 37:29; Mat. 5:5).

 FAMILIA

1. 6. Le íichamtsiloʼ unaj ‹u yaabiltik u yatan jeʼex u yaabiltmilubaeʼ› (Efe. 5:33; Col. 3:19).

2. 7. Le atantsiloʼ unaj u jach respetartik u yíicham (Efe. 5:33; Col. 3:18).

3. 8. Le íichamtsil yéetel le atantsiloʼ unaj u respetarkoʼob le tsʼoʼokol beeloʼ (Mal. 2:16; Mat. 19:4-6, 9; Heb. 13:4).

4. 9. Le paalaloʼob ku yuʼubikoʼob tʼaanoʼ ku bin utsil tiʼob (Pro. 1:8, 9; Efe. 6:1-3).

 DIOS

1. 10. Dioseʼ yaan u kʼaabaʼ (Sal. 83:18; Jer. 10:10).

2. 11. Dioseʼ yaan junpʼéel baʼax u kʼáat ka k-ojéelte (2 Tim. 3:16, 17; 2 Ped. 1:20, 21).

3. 12. Dioseʼ mix máak jelaʼan u paktik (Deu. 10:17; Hech. 10:34, 35).

4. 13. Dioseʼ u kʼáat u yáantoʼon (Sal. 46:1; 145:18, 19).

  ORACIÓN

1. 14. Dioseʼ u kʼáat ka orarnakoʼon tiʼ letiʼ (Sal. 62:8; 65:2; 1 Ped. 5:7).

2. 15. Le Bibliaoʼ ku kaʼansiktoʼon bix unaj k-orar (Mat. 6:7-13; Luc. 11:1-4).

3. 16. Mantatsʼ unaj k-orar (Mat. 7:7, 8; 1 Tes. 5:17).

 JESÚS

1. 17. Le baʼaxoʼob tu kaʼansaj Jesúsoʼ tak bejlaʼa ku taaskoʼob utsileʼ (Mat. 6:14, 15, 34; 7:12).

2. 18. Jesúseʼ tʼaanaj tiʼ le baʼaxoʼob ku yúuchul teʼ kʼiinoʼobaʼ (Mat. 24:3, 7, 8, 14; Luc. 21:10, 11).

3. 19. Jesúseʼ u Hijo Dios (Mat. 16:16; Juan 3:16; 1 Juan 4:15).

4. 20. Jesúseʼ maʼ Diosiʼ (Juan 14:28; 1 Cor. 11:3).

 U REINO DIOS

1. 21. U Reino Dioseʼ táan u meyaj teʼ kaʼanoʼ (Dan. 2:44; 7:13, 14; Mat. 6:9, 10; Apo. 11:15).

2. 22. U Reino Dioseʼ yaan u xuʼulsik u gobierno chéen máakoʼob (Sal. 2:7-9; Dan. 2:44).

3. 23. Chéen u Reino Dios kun utskíintik le problemas k-aktáantikoʼ (Sal. 37:10, 11; 46:9; Isa. 65:21-23).

 MUʼYAJIL

1. 24. Maʼ Dios beetik k-muʼyajiʼ (Deu. 32:4; Sant. 1:13).

2. 25. Satanás gobernartik le yóokʼol kaabaʼ (Luc. 4:5, 6; 1 Juan 5:19).

3. 26. Dioseʼ táan u yilik baʼax ku yúuchultech yéetel taak u yáantkech (Sal. 34:17-19; Isa. 41:10, 13).

4. 27. Dioseʼ yaan u xuʼulsik tiʼ le baʼaxoʼob beetik k-muʼyajoʼ (Isa. 65:17; Apo. 21:3, 4).

 KÍIMIL

1. 28. Le kimenoʼoboʼ maʼ u yojloʼob mix baʼaliʼ yéetel maʼ táan u muʼyajoʼobiʼ (Ecl. 9:5; Juan 11:11-14).

2. 29. Le kimenoʼoboʼ maʼ tu páajtal u yáantkoʼonoʼob mix u beetkoʼobtoʼon loob (Sal. 146:4; Ecl. 9:6, 10).

3. 30. Yaan u kaʼa kuxtal le máaxoʼob k-yaabiltmoʼoboʼ (Job 14:13-15; Juan 5:28, 29; Hech. 24:15).

4. 31. «Maʼ tun yantal kíimil» (Apo. 21:3, 4; Isa. 25:8).

 RELIGIÓN

1. 32. Maʼ tuláakal le religiónoʼob ku kʼaʼamal tumen Diosoʼ (Jer. 7:11; Mat. 7:13, 14, 21-23).

2. 33. Dioseʼ u pʼekmaj le kaʼapʼéel ichil wa hipocresíaoʼ (Isa. 29:13; Miq. 3:11; Mar. 7:6-8).

3. 34. Le yaabilajoʼ ku yeʼesik máakalmáak u jaajil religión (Miq. 4:3; Juan 13:34, 35).