Wa le máax yéetel k-tsikbal ku beetik junpʼéel kʼáatchiʼ, wa ku yaʼalik maʼ de acuerdo yéetel le baʼax k-aʼalikoʼ, chéen baʼaleʼ k-tsʼáaik cuenta jach tu jaajil u yóol taak u kaanbaleʼ maʼ unaj k-xotʼik le tsikbaloʼ. Toʼoneʼ uts t-tʼaan k-tsikbal yéetel «le máaxoʼob jach tu jaajil u yóol ku yeʼeskoʼob u kʼáat u kʼamoʼob le kuxtal minaʼan u xuuloʼ» (Hech. 13:48).

Chéen baʼaleʼ, ¿kux túun wa k-ilik táan u tsʼíikil u yuumil naj yéetel taak u baʼateʼel? Teʼ súutukoʼ unaj k-xotʼik le tsikbaloʼ. Pero unaj k-beetik yéetel respeto (Pro. 17:14). Wa k-beetik beyoʼ maʼ xaaneʼ kéen máanak kʼiineʼ jeʼel u yóotik tsikbaleʼ (1 Ped. 2:12).