¿Ka kʼaʼajsik cada wa baʼax kʼiin le baʼaxoʼob jatsʼutstak ta beetaj yéetel uláakʼ sukuʼunoʼoboʼ? Maʼ xaaneʼ junpʼéel baʼax jatsʼuts úuch teʼ muchʼtáambaloʼ, tiʼ junpʼéel asamblea, ka jóokʼech kʼaʼaytaj wa ka tsikbalnajech yéetel juntúul sukuʼun. Leloʼ ku yeʼesikeʼ maʼ a tuʼubs Jéeobaiʼ. Letiʼ xaneʼ maʼ u tuʼubsechiʼ yéetel láayliʼ kʼajaʼantiʼ le meyajoʼob ta beetaj ichil u kaajaloʼ. Le oʼolal u kʼáat u yáantech utiaʼal ka suunakech ichil u kaajal.

Jéeobaeʼ ku yaʼalik: «Teen bíin in kanáant in tamanoʼob maʼ [...] yaanaliʼ. Jeʼel bix le kanan taman ku tsʼáaik u yóol tiʼ u tamanoʼob le ken u yilaʼa kʼiʼitpajaʼanoʼob, bey bíin in beet tu yéetel in tamanoʼob; bíin xiʼiken in chʼaʼob tu kúuchil tuʼux kʼiʼitpajaʼanoʼob» (Ezequiel 34:11, 12).