Yaan u millonesi pixanoʼob
Le Bibliaoʼ ku yaʼalikeʼ yaʼab pixanoʼob wa espirituʼob yaan. Ku yaʼalik xaneʼ Jéeobaeʼ utúul pixan wa espíritu (Juan 4:24; 2 Corintios 3:17, 18).
Ka káajeʼ chéen Jéeoba yaan kaʼach. Baʼaleʼ letiʼeʼ joʼopʼ u beetik uláakʼ pixanoʼob wa espirituʼob. Le espirituʼob tu beetajoʼ ku kʼaabaʼintaʼaloʼob angeloʼob. Le angeloʼoboʼ maas yaan u muukʼoʼob yéetel maas yaan u naʼatoʼob tiʼ le wíinikoʼoboʼ. Jéeobaeʼ tu beetaj yaʼab angeloʼob; Daniel, utúul máax meyajt Dios úuchileʼ, tiʼ upʼéel náayeʼ tsʼaʼab u yil u millonesi angeloʼob (Daniel 7:10; Hebreos 1:7).
Dioseʼ tu beetaj le angeloʼob táanil tiʼ u beetik le Luʼumaʼ (Job 38:4-7). Mix utúul ángel kuxlak yéetel kíimik way Luʼumeʼ.
Jéeobaeʼ utúul pixan; letiʼ beet u millonesi pixanoʼob wa angeloʼoboʼ
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Máax Jéeoba?
¿U Dios wa chéen junjaats máakoʼob jeʼex le israelitaʼoboʼ?
BAʼALOʼOB UNAJ A KANIK
¿Yaan wa u kʼaabaʼ Dios?
Tiʼ Dioseʼ ku yaʼalaʼal Kiʼichkelem Yuum, Jajal Dios wa Yuumtsil. Pero le videoaʼ ku yeʼesik bix u kʼaabaʼ Dios; 7,000 u téenel ku chíikpajal teʼ Bibliaoʼ.
