K-kʼubik k-kuxtal tiʼ Jéeoba
¿Baʼax unaj u péeksikoʼon k-kʼub k-kuxtal tiʼ Jéeoba?
Dt 6:5; Lu 10:25-28; Ap 4:11
Ilawil xan Éx 20:5.
Wa k-kʼáat k-meyajt Dioseʼ, ¿bix unaj k-ilik baʼax ku yaʼalik le Bibliaoʼ?
¿Chéen yoʼolal máax jeʼel u páajtal u perdonartaʼal k-kʼebaneʼ?
¿Baʼax u kʼáat u yaʼal u arrepentir máak tiʼ le kuxtal ku bisik kaʼachoʼ?
-
Ejemploʼob jeʼel u yáantkecheʼ:
-
Lu 19:1-10. Zaqueo, u nojchil le máaxoʼob cobrartik impuestoʼoboʼ, arrepentirnaj úuchik u yoklik le máakoʼoboʼ, le oʼolal tu sutajtiʼob.
-
1Ti 1:12-16. Apóstol Pabloeʼ tu tsolaj bix úuchik u pʼatik le kʼaakʼas kuxtal ku bisik kaʼachoʼ, yoʼolal leloʼ perdonartaʼab tumen Jéeoba bey xan Cristo.
-
Aparte tiʼ k-pʼatik le baʼaloʼob kʼaastak k-beetkoʼ, ¿baʼax uláakʼ unaj k-beetik?
¿Baʼax unaj k-beetik utiaʼal u kʼamik Dios le adoración k-tsʼáaiktiʼoʼ?
1Co 6:9-11; Col 3:5-9; 1Pe 1:14, 15; 4:3, 4
-
Ejemploʼob jeʼel u yáantkecheʼ:
-
1Co 5:1-13. Apóstol Pabloeʼ tu yaʼalaj tiʼ le sukuʼunoʼob yanoʼob Corinto ka u jóoʼsoʼob juntúul máak teʼ múuchʼuliloʼ tumen táan u núupkʼebantal.
-
2Ti 2:16-19. Apóstol Pabloeʼ tu yaʼalaj tiʼ Timoteo ka u náachkuntuba tiʼ u kaʼansaj le apóstataʼoboʼ tumen táan u bin u yaʼabtal jeʼex u bin u jaantaʼal u wíinklil máak tumen pujeʼ.
-
¿Baʼaxten maʼ unaj k-apoyartik u gobiernoiloʼob le yóokʼol kaabaʼ?
-
Ejemploʼob jeʼel u yáantkecheʼ:
-
Jn 6:10-15. Jesúseʼ tu beetaj junpʼéel milagro utiaʼal u tséentik yaʼabkach máakoʼob, le oʼolal letiʼobeʼ taakchaj u beetkoʼob Reyil, pero letiʼeʼ lukʼ tu séebaʼaniliʼ.
-
Jn 18:33-36. Jesúseʼ tu yaʼaleʼ u Reinoeʼ maʼ yóokʼol kaabiliʼ.
-
¿Bix u yáantkoʼon le espíritu santo k-meyajt Diosoʼ?
Ilawil xan Hch 20:28; Ef 5:18.
-
Ejemploʼob jeʼel u yáantkecheʼ:
-
Hch 15:28, 29. Le cuerpo gobernante yaan kaʼach Jerusalénoʼ áantaʼaboʼob tumen le espíritu santo utiaʼal u chʼaʼikoʼob junpʼéel maʼalob decisión yoʼolal le circuncisiónoʼ.
-
¿Bix jeʼel k-seguertik u ejemplo Jesús utiaʼal k-tsʼáaik k-óol k-meyajt Dioseʼ?
¿Baʼaxten unaj u yokjaʼ juntúul máak tsʼoʼok u kʼubik u kuxtal tiʼ Dios?
Mt 28:19, 20; Hch 2:40, 41; 8:12; 1Pe 3:21
-
Ejemploʼob jeʼel u yáantkecheʼ:
-
Mt 3:13-17. Le ka okjaʼanaj Jesúseʼ tu yeʼeseʼ taal way yóokʼol kaab utiaʼal u beetik baʼax u kʼáat u Taataeʼ.
-
Hch 8:26-39. Juntúul máak Etiopíaileʼ tu yuʼubaj preparado utiaʼal u yokjaʼ le ka tsʼoʼok u tsoʼololtiʼ le baʼaloʼob yaan yil yéetel Jesúsoʼ.
-
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Baʼax le okjaʼoʼ?
Le Bibliaoʼ ku tʼaan tiʼ yaʼab okjaʼob, leloʼ ku yáantoʼon k-naʼat baʼax u kʼáat u yaʼaleʼ yéetel baʼaxten jach importante.
KʼÁATCHIʼOB SUUK U BEETAʼAL
¿Baʼaxten u testigoʼob Jéeobaeʼ maʼ tu yoksikubaʼob tiʼ política?
¿Baʼaxten maʼ tu beetkoʼob u bin kʼaasil tiʼ wa baʼax luʼumil?
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
