Puksiʼikʼal
¿Baʼax ku chíikbesik le puksiʼikʼal ku yaʼalik le Bibliaoʼ?
Sl 49:3; Pr 16:9; Lu 5:22; Hch 2:26
-
Ejemploʼob jeʼel u yáantkecheʼ:
-
Lu 9:46-48. Le ka tu yilaj Jesús yaan baʼax maʼ maʼalob tu puksiʼikʼal u apóstoloʼobeʼ tu yaʼalajtiʼob ka u yeʼesoʼob kabal óolal.
-
¿Baʼaxten jach unaj k-kanáantik k-puksiʼikʼal?
-
Ejemploʼob jeʼel u yáantkecheʼ:
-
Gé 6:5-7. Yoʼolal le baʼaloʼob kʼaastak yaan tu puksiʼikʼal wíinikoʼ chuʼup le Luʼum yéetel baʼaloʼob kʼaastakoʼ, Dios túuneʼ tu taasaj le Búulkabaloʼ.
-
1Re 11:1-10. Rey Salomóneʼ kʼaschaj u puksiʼikʼal le oʼolal tsʼoʼok u beel yéetel koʼoleloʼob táanxel luʼumiloʼob, letiʼob péeks u adorart yaanal diosoʼob.
-
Mr 7:18-23. Jesúseʼ tu yaʼaleʼ tu puksiʼikʼal máak ku jóokʼol le baʼaloʼob kʼaastakoʼ.
-
¿Bix jeʼel k-kanáantik k-puksiʼikʼaleʼ?
Sl 19:14; Pr 3:3-6; Lu 21:34; Flp 4:8
Ilawil xan Esd 7:8-10; Sl 119:11.
-
Ejemploʼob jeʼel u yáantkecheʼ:
-
Ef 6:14-18; 1Te 5:8. Apóstol Pabloeʼ tu yaʼaleʼ le justiciaoʼ, le fe yéetel le yaabilajoʼ ku kanáantkoʼob k-puksiʼikʼal, jeʼex u kanáantaʼal k-tseem tumen le corazaoʼ.
-
¿Bix jeʼel k-ojéeltik wa táan u kʼastal k-puksiʼikʼaleʼ?
Ilawil xan Pr 6:12-14.
-
Ejemploʼob jeʼel u yáantkecheʼ:
-
2Cr 25:1, 2, 17-27. Rey Amasíaseʼ tu chaʼaj u kʼastal u puksiʼikʼal, ka máan kʼiineʼ tu beetuba orgulloso, pʼáat maʼ tu yuʼubik u tʼaan Jéeoba le oʼolal kíimsaʼabi.
-
Mt 7:17-20. Jesúseʼ tu yaʼaleʼ junkúul cheʼ maʼ pataleʼ maʼ tu páajtal u tsʼáaik maʼalob ich, bey túun xanoʼ wa kʼaschajaʼan k-puksiʼikʼaleʼ yaan k-beetik baʼaloʼob kʼaastak.
-
¿Baʼaxten unaj u yantaltoʼon junpʼéel maʼalob puksiʼikʼal? ¿Bix jeʼel u yantaltoʼoneʼ?
Ilawil xan Sl 119:97, 104; Ro 12:9-16; 1Ti 1:5.
-
Ejemploʼob jeʼel u yáantkecheʼ:
-
2Re 20:1-6. Rey Ezequíaseʼ tu meyajtaj Jéeoba yéetel tuláakal u puksiʼikʼal, le oʼolal le taʼaytak u kíimiloʼ tu kʼáat óoltaj tiʼ Jéeoba ka áantaʼak.
-
Mt 21:28-32. Jesúseʼ tu yaʼaleʼ le bix yanik u puksiʼikʼal máakoʼ chíikaʼan yoʼolal baʼaxoʼob ku beetik, maʼ chéen yoʼolal le baʼaxoʼob ku yaʼalikoʼ.
-
¿Baʼaxten ku kiʼimaktal k-óol k-ojéeltik Jéeobaeʼ u yojel baʼax yaan t-puksiʼikʼal?
Ilawil xan 1Sa 2:3.
-
Ejemploʼob jeʼel u yáantkecheʼ:
-
1Sa 16:1-13. Profeta Samueleʼ tu kaneʼ Jéeobaeʼ maas importante u yilik le baʼax yaan tu puksiʼikʼal máakoʼ, maʼ le bix u yilaʼaloʼ.
-
2Cr 6:28-31. Le oración tu beetaj Salomón utiaʼal u kʼubik le templooʼ ku yeʼesikeʼ Jéeobaeʼ jach u yojel baʼax yaan t-puksiʼikʼal yéetel ku chʼaʼik en cuenta utiaʼal u yáantkoʼon.
-