Ejemploʼob jeʼel u yáantkecheʼ:

• Gé 24:​1-4, 7. Kex Abrahán tsʼoʼok u chʼíijleʼ tu yáantaj u hijo u kaxt juntúul u yatan ku meyajtik Jéeoba tumen u yojel le x-cananeaʼoboʼ yaanal diosoʼob ku adorarkoʼob.

• Gé 28:​1-4. Isaakeʼ tu yaʼalaj tiʼ Jacob maʼ u tsʼoʼokol u beel yéetel juntúul x-cananea, baʼaxeʼ ka u kaxt juntúul máax ku meyajtik Jéeoba.

Ejemploʼob jeʼel u yáantkecheʼ:

• 1Re 11:​1-6, 9-​11. Jéeobaeʼ kʼuuxilnaj yéetel Salomón tumen maʼ tu yuʼubaj tʼaaniʼ. Letiʼeʼ náachchaj tiʼ Jéeoba tumen tsʼoʼok u beel yéetel koʼoleloʼob táanxel luʼumil u taaloʼob.

• Ne 13:23-​27. Jeʼex Jéeobaeʼ, le gobernador Nehemías xanoʼ jach kʼuuxilnaj úuchik u tsʼoʼokol u beel le xiiboʼob yéetel le koʼoleloʼob táanxel luʼumil u taaloʼoboʼ. Letiʼobeʼ kʼeʼeyoʼob yéetel áantaʼaboʼob u yutskíint u kuxtaloʼob tumen Nehemías.

Ejemploʼob jeʼel u yáantkecheʼ:

• 1Sa 25:​2, 3, 14-​17. Nabal, u yíicham Abigaíleʼ, kex ayikʼaleʼ maʼ juntúul maʼalob íichamtsiliʼ, letiʼeʼ jach kʼasaʼan yéetel kʼaas u modos.

• Pr 21:9. Wa maʼ tu yéeyik máak tubeel yéetel máax kun tsʼoʼokol u beeleʼ maʼ tun kiʼimaktal u yóoloʼob yéetel yaʼab problemas kun antal tiʼob.

• Ro 7:2. Apóstol Pabloeʼ tu yaʼaleʼ le koʼolel ku tsʼoʼokol u beeloʼ yaan u yantal yáanal u ley u yíicham, juntúul máak kʼeban, le oʼolal le koʼolel kʼanchajaʼan u tuukuloʼ yaan u tuklik tubeel máax yéetel kun tsʼoʼokol u beel.

Ejemploʼob jeʼel u yáantkecheʼ:

• Pr 24:27. Antes tiʼ u tsʼoʼokol u beel máak yéetel u yantal u paalaleʼ unaj u yeʼesik jach j-meeyjil yéetel jeʼel u páajtal u tsʼáaik baʼax kʼaʼabéet tiʼ u familiaeʼ.

Ejemploʼob jeʼel u yáantkecheʼ:

• Rut 2:​4-7, 10-​12. Boazeʼ tu chʼaʼaj en cuenta baʼax ku yaʼalik u maasil máakoʼob tu yoʼolal Rut, tu yilaj jach x-meeyjil, u yaabiltmaj Jéeoba yéetel maʼalob u tratartik Noemí.

• Rut 2:​8, 9, 20. Ruteʼ tu yilaj Boazeʼ jach uts yéetel maʼ tsʼuʼutiʼ, tsʼoʼoleʼ u yaabiltmaj Jéeoba.

Ejemploʼob jeʼel u yáantkecheʼ:

• Pr 5:​18, 19. Yaan baʼaloʼobeʼ chéen ku páajtal u beetaʼal tumen le máaxoʼob tsʼokaʼan u beeloʼoboʼ.

• Can 1:2; 2:6. Le sulamita yéetel le j-kanan tamanoʼ tu kanaj u yeʼes u yaabilajoʼob jeʼex u yaʼalik Jéeobaoʼ.

• Can 4:​12; 8:​8-​10. Le sulamitaoʼ tu yilaj u controlarkuba utiaʼal maʼ u beetik baʼax kʼaas, le Bibliaoʼ ku yaʼalikeʼ bey junpʼéel jardín kʼalaʼan u baʼpacheʼ.

 Ejemploʼob jeʼel u yáantkecheʼ:

• Gé 21:​8-​12. Jéeobaeʼ tu yaʼalaj tiʼ Abrahán ka u chʼaʼ en cuenta baʼax ku yaʼalik Sara, u yatan, kex maʼ de acuerdo tu yéeteliʼ.

• Pr 31:10, 11, 16, 28. Le íichamtsil yaan u naʼatoʼ maʼ tu controlartik tuláakal baʼax ku beetik u yatan mix tech u kaxtik chéen baʼax maʼ maʼalobtak ku beetkiʼ, baʼaxeʼ ku confiartiʼ yéetel ku alabartik.

• Ef 5:​33. Le baʼax tu yaʼalaj apóstol Pablo teʼ Bibliaoʼ ku yeʼesikeʼ le atantsiloʼ jach kʼaʼabéet u yuʼubik yaabiltaʼan tumen u yíicham.

Ejemploʼob jeʼel u yáantkecheʼ:

• Pr 1:8; 1Co 7:4. Dioseʼ u tsʼaamaj autoridad tiʼ le atantsil yéetel tiʼ le maamatsil utiaʼal u beetkoʼob jujunpʼéel baʼaloʼob ichil le familiaoʼ.

• 1Co 11:3. Apóstol Pabloeʼ tu tsoleʼ chéen Jéeoba minaʼan yáanal u autoridad mix máak.

• Heb 13:​7, 17. Tuláakloʼon unaj k-respetartik le máaxoʼob nuʼuktik le múuchʼuliloʼ yéetel unaj k-múul meyaj tu yéeteloʼob.

Ejemploʼob jeʼel u yáantkecheʼ:

• Gé 18:12; 1Pe 3:​5, 6. Saraeʼ jach ku respetartik u yíicham, hasta «yuumtsil» u yaʼalik kaʼach tiʼ.

Ejemploʼob jeʼel u yáantkecheʼ:

• Gé 24:62-​67. Rebecaeʼ tu yáantaj Isaak, u yíicham, utiaʼal u kaʼa líikʼil u yóol úuchik u kíimil u maama.

• 1Sa 25:14-​24, 32-​38. Abigaíleʼ tu salvartaj u familia le ka bin tʼaan tu táan Davidoʼ, letiʼobeʼ yaan kaʼach u kíimsaʼaloʼob yoʼolal junpʼéel baʼax maʼ maʼalob tu beetaj Nabaliʼ.

• Es 4:6-17; 5:1-8; 7:1-6; 8:3-6. Kex jeʼel u kíimsaʼal kaʼacheʼ le reina Esteroʼ kaʼatéen bin tu yiknal le rey kex maʼ invitartaʼanoʼ, lelaʼ tu beetaj utiaʼal u salvartik le judíoʼoboʼ.