Principioʼob jeʼel u yáantkech ichil a kuxtaleʼ, le publicaciónaʼ beetaʼan utiaʼal a séeb kaxtik le tekstoʼob wa le principioʼob yaan teʼ Biblia jach jeʼel u yáantkechoʼob a wil baʼax unaj a beetkoʼ. Le publicaciónaʼ jach maʼalob xan utiaʼal a líiʼsik u yóol u maasil bey xan utiaʼal ka a wáantoʼob u chʼaʼob junpʼéel maʼalob decisión ka u alabart Jéeoba. Utiaʼal leloʼ chéen kʼaʼabéet a kaxtik le tema ka tuklik jeʼel u meyajtechoʼ, yáanaleʼ yaan a wilik le preguntaʼob bey xan le baʼaxoʼob ku tsoʼolol teʼ tekstoʼob ku taaskoʼ (ilawil le cuadro « Bix jeʼel u meyajtech le publicaciónaʼ»). Le publicaciónaʼ yaan u yáantkech a kaxt tu séebaʼanil le principioʼob bey xan le consejoʼob yaan teʼ Bibliaoʼ. Le baʼax ken a kanoʼ jach yaan u yáantkech ichil a kuxtal yéetel yaan xan u meyajtech utiaʼal a wáantik u maasil.

Le publicaciónaʼ maʼ tu taasik junpʼéel lista tiʼ tuláakal le tekstoʼob jeʼel u meyajoʼob utiaʼal u tsoʼolol junpʼéel temaoʼ, wa taak a maas investigartik wa baʼaxeʼ jeʼel u páajtal u meyajtech uláakʼ publicacióneʼ (Pr 2:​1-6). Utiaʼal a maas investigartik junpʼéel teksto wa junpʼéel tʼaan yaan teʼ Bibliaoʼ, jeʼel u páajtal u meyajtech le notas ku taasik le Biblia de estudio ich españoloʼ: La Biblia. Traducción del Nuevo Mundo. Jeʼel xan u meyajtech le folleto Áantaj utiaʼal u xakʼalxook u testigoʼob Jéeoba bey xan le Índice de las publicaciones Watch Toweroʼ. Jeʼel máakalmáak ka meyajnaktecheʼ, chéen asegurartaba de ke le baʼax ka xokikoʼ letiʼe u maas túumbenil tsʼoʼok u publicartaʼaloʼ.

Le publicaciónaʼ jach yaan u yáantkech a maas kʼaj óolt bey xan a maas naʼat baʼax ku yaʼalik le Bibliaoʼ. Jeʼex u bin a xokikeʼ yaan a tsʼáaik cuentaeʼ «u tʼaan Dioseʼ kuxaʼan yéetel yaan u páajtalil» (Heb 4:12).