ESCUELA UTIAʼAL LE MÁAXOʼOB KʼAʼAYTIK LE REINOOʼ. Ku invitartaʼal le precursoroʼob yaantiʼob kex 23 tak 65 jaʼaboʼob yéetel u kʼáatoʼob maas táakpajal teʼ meeyjil kʼaʼaytaj utiaʼal ka xiʼikoʼob tiʼ junpʼéel muchʼtáambal kun beetbil tu chíinil kʼiin domingo utiaʼal le máaxoʼob taak u binoʼob teʼ escuelaaʼ. U yorail yéetel tuʼux kun beetbileʼ yaan u tsʼaʼabal ojéeltbil táanil tiʼ u yúuchul.

ÁANTAJ UTIAʼAL LE KU YÚUCHUL LOOB TIʼOBOʼ. Maʼ u tuʼubultecheʼ, le departamentoaʼ CHÉEN utiaʼal le máaxoʼob JACH KʼAʼABÉET áantaj tiʼoboʼ.

ACOMODADOROʼOB. Le acomodadoroʼoboʼ tsʼaʼanoʼob utiaʼal u yáantkechoʼob. Ilawil a beetik le baʼaxoʼob ku yaʼalikoʼob yaan yil yéetel estacionamiento, tuʼux unaj u bin máak, le sillaʼob ku junpáaykuntaʼaloʼoboʼ yéetel uláakʼ baʼaloʼob unaj u beetik máak.

BAʼALOʼOB KU SAʼATLOʼOB. Teʼ departamentoaʼ tiʼ unaj a bisik le baʼaxoʼob ka kaxtikoʼ. Wa yaan baʼax saʼattecheʼ, xeen a wil wa tiʼ yaan teʼ departamentoaʼ. Wa yaan mejen paalaloʼob saatloʼob teʼ asambleaoʼ jeʼel u páajtal u bisaʼaloʼob teʼ departamentoaʼ. Baʼaleʼ k-aʼalikteʼexeʼ le departamentoaʼ maʼ utiaʼal u kanáantaʼal mejen paalaloʼobiʼ. Kanáant a paalal yéetel maʼ a chaʼik u náachtaloʼob tiʼ teech.

MÁAXOʼOB TAAK U YÁANTAJOʼOB. Wa taak a wáantaj teʼ jejeláas meyajoʼob ku beetaʼal teʼ asambleaaʼ, jeʼel u páajtal a bin teʼ departamentoaʼ.

OKJAʼ. Tu jaʼatskab kʼiinil sabadoeʼ, le máaxoʼob kun okjaʼoboʼ táanil tiʼ u káajal le tsoltʼaanoʼ unaj u kutaloʼob teʼ sillaʼob tsʼaʼan aktáan tiʼ le plataformaoʼ. Tuláakloʼob unaj u taaskoʼob u toallaʼob yéetel junpʼéel nookʼ maʼ kʼaas u yilaʼal utiaʼal le okjaʼoʼ.

SIIBALOʼOB. Teʼ asambleaaʼ yaʼab xuupoʼob tsʼoʼok u beetaʼal utiaʼal u yantal sillaʼob, u yuʼubaʼal maʼalob le tsoltʼaanoʼoboʼ yéetel u chaʼantaʼal le videoʼoboʼ bey xan utiaʼal u yantal uláakʼ baʼaloʼob ku meyajoʼob utiaʼal ka k-jóoʼs u yutsil le asambleaaʼ yéetel ka maas náatsʼkoʼon tiʼ Jéeoba. A siibaleʼexeʼ ku yáantaj utiaʼal u boʼotaʼal tuláakal le baʼaxoʼob kʼaʼabéet teʼ asambleaaʼ yéetel utiaʼal u seguer u maas kʼaʼaytaʼal le maʼalob péektsiloʼ. Utiaʼal maʼ u talamtal teʼexeʼ, tsʼaʼan cajaʼob tuʼux ku yaʼalik jeʼel u páajtal a tsʼáaik a siibaleʼexeʼ. Jach diosboʼotik teʼex yoʼolal a siibaleʼex. Le Cuerpo Gobernanteoʼ ku tsʼáaikteʼex u diosboʼotikil ikil a wáantajeʼex utiaʼal u maas kʼaʼaytaʼal le Reinooʼ.

SILLAʼOB. Unaj a chʼaʼik en cuentail u maasil. Kʼaʼajaktecheʼ chéen jeʼel u páajtal a junpáaykuntik sillaʼob utiaʼal le máaxoʼob yanoʼob ichil a familiaoʼ, le máaxoʼob ku binoʼob ta wéetel teʼ cocheoʼ wa utiaʼal a j-xoknáaloʼob. Ilawil maʼ a pʼatik mix baʼal yóokʼol le uláakʼ sillaʼoboʼ, tumen beyoʼ jeʼel u páajtal u meyaj tiʼ uláakʼ sukuʼunoʼobeʼ.