U kʼaʼamil a tʼaan. Kʼaʼamkúunt a tʼaan utiaʼal a weʼesik baʼax maas kʼaʼanaʼan yéetel utiaʼal a péeksik u puksiʼikʼal máak. Bey ka a beet xan kéen a xok le ka kʼeʼey wa máax tumen Diosoʼ. U suukileʼ wa sajak máak, chiʼichnak bey xan wa u kʼáat ka taakak u yuʼubaʼal baʼax ken u yaʼaleʼ ku kabalkúuntik u tʼaan.

U bekʼechil a tʼaan. Wa bey suuk u beetaʼal ichil a idiomaoʼ bekʼechkúunt a tʼaan utiaʼal a weʼesik kiʼimak óolal wa utiaʼal a weʼesik bukaʼaj chichnil wa náachil yaan wa baʼax. Kóochkint a tʼaan utiaʼal a weʼesik bey lubaʼan a wóoleʼ wa bey chiʼichnakecheʼ.

U séebil a tʼaan. Séebkunt a tʼaan utiaʼal a weʼesik kiʼimak a wóol. Xaankúunt a tʼaan kéen a káajs a waʼalik junpʼéel baʼal jach kʼaʼanaʼan.