XOOK 14
Eʼes baʼax maas kʼaʼanaʼan
Hebreoʼob 8:1
U NOOY: Áant máax uʼuyikech utiaʼal maʼ u saʼatal tiʼ baʼax ka kaʼansik. Eʼes máakalmáak le baʼaxoʼob maas kʼaʼanaʼantak ka tsolikoʼ yéetel baʼaxten ta yéeyajoʼob.
BIX KEN A BEETE:
-
Tukult baʼax a kʼáat a beete. Kéen a líiʼsabaeʼ il baʼax u biilal le tsoltʼaanoʼ: u tsʼáaik ojéeltbil wa baʼax, u yáantik máak u creert junpʼéel baʼal, wa u péeksik u beet wa baʼax. Kéen a máans a tsoltʼaaneʼ le baʼaxoʼob maas kʼaʼanaʼantakoʼ kʼaʼabéet tu nuʼuk yanil yéetel u biilal le tsoltʼaanoʼ.
-
Kʼaʼajs tiʼ máax uʼuyikech baʼax taak a kaʼansik. Ichil tuláakal le tsoltʼaan ken a máansoʼ aʼal jejeláas tʼaanoʼob jeʼel u yáantkech a kʼaʼajs tiʼ máak baʼax taak a kaʼansikeʼ.
-
Yéey baʼaloʼob maʼ talam u naʼataʼaliʼ. Yéey chéen jujunpʼéel baʼaloʼob utiaʼal a tsolik; meyajnaktech le maas kʼaʼanaʼantakoʼ yéetel le ka tuklik jeʼel a tsolik ichil le tiempo tsʼaʼantechoʼ. Ilawil ka naʼataʼakoʼob tubeel yéetel jáan jeʼelkech kéen tsʼoʼokok a tsolik cada junpʼéeliʼ. Maʼ a jáajan máan tiʼ yaanal baʼal.