XOOK 15
Tʼaanen yéetel u jaajil a wóol
1 Tesalonicailoʼob 1:5
U NOOY: Eʼes jach tu jaajil ka creertik baʼax ka waʼalik yéetel a wojel kʼaʼabéet u yojéeltaʼal.
BIX KEN A BEETE:
-
Líiʼsaba maʼalob. Xakʼalxokt tubeel baʼax ken a kaʼanse tak kéen a wil bix kun meyajtech le tekstoʼob utiaʼal a tsolikoʼ. Tsol yéetel junpʼíit tʼaanoʼob le baʼaxoʼob maas kʼaʼanaʼantakoʼ. Maʼ a luʼsik ta tuukul baʼax utsil ken u taas tiʼ le máaxoʼob kun uʼuyikechoʼ. Kʼáat tiʼ Jéeoba ka u yáantech yéetel u kiliʼich muukʼ.
-
Eʼes ka creertik baʼax ka waʼalik. Tu lugar a waʼalik jach jeʼex tsʼíibtaʼanil le baʼax ta xakʼalxoktoʼ, aʼal yéetel tʼaanoʼob suuk u meyajtech. Yéey tʼaanoʼob eʼesik jach tu jaajil ka creertik baʼax ka waʼalik.
-
Tʼaanen yéetel u jaajil a wóol baʼaleʼ yéetel yaabilaj. Tsʼáa u pʼiis u kʼaʼamil a tʼaan. Wa ka tuklik maʼ tu tsʼíikil le máax yéetel ka tʼaanoʼ pakt u yich.