Tukult baʼal uts tiʼ máax uʼuyikech. Tsʼáa ta tuukuleʼ le máaxoʼob uʼuyikechoʼ taak u beetkoʼob baʼax uts tu tʼaan Jéeoba. Tak le táan a tsolnuʼuktik wa máaxoʼ yáax il baʼax maʼalob táan u beetik utiaʼal a líiʼsik u yóol.

Tʼaanen maases tiʼ baʼax ku líiʼsaj óol. Wa kʼaʼabéet a waʼalik baʼax maʼ unaj u beetaʼaleʼ, aʼal chéen jujunpʼéeliʼ. Maas maʼalob ka tʼaanakech tiʼ baʼaloʼob maʼalobtak táan u beetaʼal wa tiʼ baʼaloʼob maʼalobtak jeʼel u beetaʼaleʼ.

Meyajnaktech maʼalob le Bibliaoʼ. Maases unaj a tʼaan tiʼ baʼax tsʼoʼok u beetik Jéeoba yoʼolal wíinik, baʼax táan u beetik bejlaʼeʼ yéetel baʼax ken u beet maʼ tun xáantal. Líiʼs u yóol máak yéetel muʼukʼaʼankúunt u yóol.