Orarnen yéetel líiʼsaba tubeel. Kʼáat tiʼ Jéeoba ka u yáantech tʼaan tu yoʼolal, maʼ ta woʼolaliʼ. Tsʼáa ta tuukul le baʼaxoʼob maas kʼaʼanaʼantak unaj a tsolikoʼ. Maʼ a chéen xokik le baʼax tsʼíibtaʼanoʼ, aʼal yéetel tʼaanoʼob suuk u meyajtech.

Tʼaanen yéetel u jaajil a wóol. Tuukulnen tiʼ le máakoʼoboʼ. Tukult baʼaxten kʼaʼabéet u yojéeltikoʼob le baʼax ken a waʼaloʼ. Beyoʼ le bix a waʼatal, le bix a péeksikaba yéetel le bix a tsʼáaik u táan a wichoʼ yaan u yeʼesik a kʼáat a wáant u maasil.

Pakt u yich le máaxoʼob uʼuyikechoʼ. Wa maʼ tu tsʼíikiloʼobeʼ pakt u yichoʼob. Kéen a máans junpʼéel tsoltʼaaneʼ maʼ chéen unaj a líiʼsik a paakat táaniliʼ, baʼaxeʼ pakt u yich juntúuliʼ, tsʼoʼoleʼ ka paktik u yich yaanal.