XOOK 4
Oks maʼalob le tekstoʼoboʼ
Mateo 22:41-45
U NOOY: Táanil tiʼ a xokik le tekstooʼ beet u káajal u tuukul le máakoʼob tiʼ baʼax ku yaʼalikoʼ.
BIX KEN A BEETE:
-
Tukult baʼaxten a kʼáat a xoke. Táanil tiʼ a xokik cada tekstoeʼ beet u tuukul máak tiʼ baʼax a kʼáat a weʼes yéetel le tekstooʼ.
-
Eʼes tiʼ Dios u taal le baʼax ken a xokoʼ. Kéen tsikbalnakech yéetel wa máaxeʼ jeʼel u páajtal a waʼaliktiʼeʼ u «Tʼaan Dios» le baʼax ken a xokoʼ, maʼ u tʼaan jeʼel máaxakeʼ.
-
Beet u taaktal u xoʼokol. Beet junpʼéel kʼáatchiʼ kun núukbil teʼ tekstooʼ, aʼal baʼax problemail jeʼel u yáantkoʼon k-utskíinteʼ wa baʼax tsolnuʼukil jeʼel u yáantkoʼon k-naʼate.