Xakʼalxokt publicacionoʼob ojéelaʼan jaajtak. Eʼes teʼ Biblia u taal le baʼax ka waʼalikoʼ; wa ku páajtaleʼ xok teʼ Bibliaoʼ. Wa yaan a tʼaan tiʼ ciencia, tiʼ noticia wa tiʼ uláakʼ baʼax uchaʼaneʼ, ilawil wa jach jaaj yéetel wa letiʼe baʼax maas túumben ojéelaʼanoʼ.

Meyajnaktech maʼalob le publicacionoʼoboʼ. Kéen a tsol junpʼéel tekstoeʼ chʼaʼ en cuenta le versiculoʼob yaan naatsʼoʼ, ilawil baʼax ku yaʼalik yoʼolal le Reinooʼ yéetel xakʼalt baʼax u yaʼalmaj «le palitsil chúukaʼan u yóol yéetel yaan u naʼat[oʼ]» (Mat. 24:45). Wa meyajnajtech yaanal publicacionoʼobeʼ maʼ a kʼexik u tuukulil, baʼaxeʼ chéen tsole.

Áant u naʼatoʼob baʼax ka tsolik. Kéen tsʼoʼokok a xokik junpʼéel teksto wa a tʼaan tiʼ baʼax ku yaʼalik junpʼéel publicacioneʼ, beet kʼáatchiʼob wa tsʼáa ejemploʼob utiaʼal ka naʼataʼak.