CHÉEN tukult tsʼoʼok a tʼokik junpʼéel jatsʼuts manzana jach kiʼibok yéetel táan a tsʼáaik teʼ xaakoʼ. Sáam joʼopʼok a meyaj, baʼaleʼ maʼ kaʼankechiʼ, maʼ kʼáat a jáan pʼatiʼ. Maʼ náach teʼ tuʼux yanechoʼ táan xan u tʼokik manzana a maama. Letiʼeʼ jach kiʼimak u yóol táan u tsikbal yéetel u láakʼtsiloʼob bey xan u amigoʼob taaljaʼanoʼob áantaj teʼ tʼok manzanaoʼ. Letiʼeʼ jach x-lóoʼbayan u yilaʼal jeʼex úuchik a wilik ta paalileʼ. Hasta maʼ ta waʼalik wa letiʼe ta wilaj bix úuchik u bin u chʼíijil teʼ kʼasaʼan yóokʼol kaaboʼ. Kʼajaʼantech úuchik u kʼojaʼantal tak le bix a machmil u kʼab le ka kíimoʼ. Jach yaʼab úuchik a woʼtik le kʼiin ka muʼukoʼ. Baʼaleʼ beoraaʼ way yaan yéetel uláakʼ máakoʼobeʼ, jach toj u yóol yéetel mix baʼal ku kʼiʼinam tiʼ.

Lelaʼ k-ojel jach yaan u kʼuchul u kʼiinil u yilaʼal, tumen Dioseʼ ku béeykuntik tuláakal baʼax ku yaʼalik. Teʼ jaatsaʼ yaan k-ilik jujunpʼéel baʼaxoʼob ken u béeykunt le Reino táanil tiʼ le Armagedonoʼ bey xan le baʼaxoʼob ken u beet le ken tsʼoʼokkoʼ. Bukaʼaj jatsʼutsil wal ken gobernarnak u Reino Dios way yóokʼol kaab yéetel ken u túumbenkunt tuláakal baʼaleʼ.