JAATSIL 4
¿Bix binik tiʼ Adán yéetel Eva úuchik u chaʼik u tuʼusloʼob?
Adán yéetel Evaeʼ kíimoʼob tumen maʼ tu yuʼuboʼob u tʼaan Diosiʼ (Génesis 3:6, 23)
Evaeʼ tu beetaj baʼax tu yaʼalaj le kaanoʼ ka tu jaantaj u yich le cheʼ aʼalaʼabtiʼ maʼ u jaantikoʼ. Ka tsʼoʼokeʼ tu tsʼáaj tiʼ Adáneʼ ka tu jaantaj xan.
Jach kʼaas le baʼax tu beetoʼoboʼ: kʼebanchajoʼob tu táan Dios, le oʼolal jóoʼsaʼaboʼob teʼ jardínoʼ.
Maʼ chéen letiʼob muʼyajnajoʼobiʼ, baʼaxeʼ tak u paalaloʼob. Ka máan kʼiineʼ chʼíijoʼob yéetel kíimoʼob. Maʼ binoʼob kaʼaniʼ mix binoʼob yaanal tuʼuxiʼ.
Le kimenoʼoboʼ ku suutoʼob luʼumil, le oʼolal mix baʼal ku páajtal u beetkoʼob (Génesis 3:19)
Tiʼ Adán yéetel Eva k-taal le oʼolal k-kíimil. Le kimenoʼoboʼ maʼ tu páajtal u beetkoʼob mix baʼal mix tu paakatoʼob yéetel mix tu yuʼubikoʼonoʼob (Eclesiastés 9:5, 10).
Jéeobaeʼ maʼ tu beetaj wíinik utiaʼal ka kíimkiʼ. Maʼ kun xáantal ken u kaʼa kuxkíint le kimenoʼoboʼ. Wa ku yuʼubikoʼob u tʼaan Dioseʼ mix bikʼin kun kaʼa kíimloʼob.
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Baʼax kun úuchul yéetel le kimenoʼoboʼ?
Le Bibliaoʼ ku yaʼalikeʼ yaan u kʼuchul u kʼiinil u kaʼa kuxkíintaʼal yaʼab máakoʼob jeʼel bix kaʼa kuxkíintaʼabik Lázaroeʼ.
BAʼALOʼOB UNAJ A KANIK
¿Baʼaxten ku chaʼik Dios u yantal muʼyajil?
Yaʼab máakeʼ u kʼáat u yojéelt baʼaxten jach yaan pʼektajil yéetel muʼyajil way yóokʼol kaabeʼ. Le Bibliaoʼ ku yaʼalik baʼaxten yéetel ku yaʼalik baʼax ken u beet Dios.
LE BIBLIAOʼ TIʼ BAʼAX KU TʼAAN
Jóoʼsaʼaboʼob teʼ Paraísooʼ
¿Baʼax esperanzail tu tsʼáaj Dios le ka tu jóoʼsaj Adán yéetel Eva teʼ Paraísooʼ?
