JAATSIL 9
¿Baʼax kʼiin ken suʼutuk paraísoil le Luʼumaʼ?
Le baʼaxoʼob ku yúuchloʼob bejlaʼaʼ ku yeʼesik taʼaytak u káajal u reinar Dios (Lucas 21:10, 11; 2 Timoteo 3:1-5)
Le Bibliaoʼ desde úuch u yaʼal yaan u yantal problemas. Tu yaʼaleʼ le paalaloʼoboʼ maʼ ken u yuʼuboʼob tʼaan, yaan u kʼastal u modos máak, yaan u yaabiltaʼal taakʼin yéetel yaan u kaxtik máak chéen u yutsil.
Tu yaʼalaj xaneʼ yaan u sen tíitkuba le luʼumoʼ, yaan u yantal guerraʼob, wiʼijil yéetel yaʼabkach kʼojaʼaniloʼob. Jach le ku yúuchul teʼ kʼiinoʼobaʼ.
Jesúseʼ tu yaʼaleʼ le baʼaloʼob maʼalobtak ken u beet le Reinooʼ yaan u tsikbaltaʼal tiʼ tuláakal yóokʼol kaab (Mateo 24:14).
U Reino Dios kun xuʼulsik le kʼasaʼaniloʼ (2 Pedro 3:13)
Jéeobaeʼ jach taʼaytak u xuʼulsik le kʼasaʼan máakoʼoboʼ.
Taʼaytak xan u castigartaʼal Satanás yéetel u demonioʼob.
Le máaxoʼob ken u yuʼuboʼob u tʼaan Diosoʼ yaan u kuxtaloʼob tiʼ junpʼéel lugar yaan u yantal yaabilajiʼ, jeetsʼelil yéetel yaan u beetaʼal baʼax tojiʼ. Maʼ ken u chʼaʼob saajkil tumen yaan u confiaroʼob tiʼ tuláakal máak.
Maʼ xaaneʼ jeʼel u yutstal xan ta wicheʼ
LIBROʼOB YÉETEL FOLLETOʼOB
¿Baʼax u Reino Dios?
Le ka kuxlaj Jesús way Luʼumeʼ tu yeʼesaj baʼaxoʼob ken u beet u Reino Dios.
LIBROʼOB YÉETEL FOLLETOʼOB
¿Yaan wa u xuʼulul k-muʼyaj?
Le Bibliaoʼ ku yaʼalikeʼ Dioseʼ yaan u xuʼulsik le muʼyajiloʼ tumen u yaabiltmaj tuláakal máak. ¿Baʼaxten maʼalob ka k-ojéelt lelaʼ?
