U tʼaaniloʼob u káajbal
Dioseʼ bey juntúul taatatsil jach yaan u yaabilajeʼ (1 Pedro 5:6, 7)
Letiʼeʼ k-Taata tumen letiʼ beetoʼon. Jeʼex juntúul taatatsil jach u yaabiltmaj u paalal ku tsʼáaik maʼalob tsolnuʼuk tiʼobeʼ, Dioseʼ jeʼel xan u kaʼansiktoʼon bix jeʼel k-kuxtal ich kiʼimak óolaleʼ.
Dioseʼ ku kaʼansiktoʼon jatsʼuts baʼaloʼob ku beetik u yantaltoʼon kiʼimak óolal yéetel esperanza.
Wa ka wuʼuyik u tʼaaneʼ yaan u nuʼuktikech, yaan u kanáantkech yéetel yaan u yáantkech.
Tsʼoʼoleʼ Dioseʼ jeʼel xan u tsʼáaiktech kuxtal minaʼan u xuuleʼ.
Dioseʼ ku yaʼaliktoʼon: «Koʼoteneʼex tin wiknal. Uʼuyeneʼexiʼ, beyoʼ yaan u seguer a kuxtaleʼex» (Isaías 55:3)
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Yaan wa u kʼaabaʼ Dios?
Tiʼ Dioseʼ ku yaʼalaʼal Kiʼichkelem Yuum, Jajal Dios wa Yuumtsil. Pero le videoaʼ ku yeʼesik bix u kʼaabaʼ Dios; 7,000 u téenel ku chíikpajal teʼ Bibliaoʼ.
ll Pág. 2-3
