¿Bix u kʼáat Dios ka kuxlakoʼon?
TEʼ PERIÓDICOOʼ, teʼ radiooʼ, teʼ televisión yéetel tiʼ Interneteʼ yaʼab u yúuchul tʼaan tiʼ bix u yúuchul ookol, tiʼ bix u kíimsaʼal máak yéetel tiʼ le guerraʼoboʼ. Maʼ xaaneʼ techeʼ táan a muʼyaj tumen kʼojaʼanech wa tumen tsʼoʼok u kíimil juntúul máax a yaabiltmeʼ.
Tukulte:
-
¿Bey wa u kʼáat Dios ka kuxlaken yéetel in familiaoʼ?
-
¿Tuʼux jeʼel in kaxtik áantajeʼ?
-
¿Jeʼel wa u yantal junpʼéel maʼalob kuxtal way Luʼumeʼ?
Le Bibliaoʼ jach maʼalob u núukik le kʼáatchiʼoboʼ.
TEʼ BIBLIAOʼ K-KANIK LE JATSʼUTS BAʼALOʼOB KEN U BEET DIOSOʼ
-
Maʼ kun muʼyaj máak, maʼ kun chʼíijil mix kun kíimil (Apocalipsis 21:4)
-
«Le máax móochoʼ yaan u páajtal u síitʼ jeʼex le kéejoʼ» (Isaías 35:6)
-
«Yaan u sáasiltal u yich le máaxoʼob chʼóopoʼoboʼ» (Isaías 35:5)
- Yaan u kaʼa kuxtal le kimenoʼoboʼ (
-
Mix máak kun kʼojaʼantal (Isaías 33:24)
-
Yaan u yantal yaʼab baʼal jaantbil (Salmo 72:16)
LE BIBLIAOʼ JEʼEL U YÁANTKECHEʼ
Maʼ xaaneʼ ka tuklikeʼ le baʼax ku chíikpajal tu káajbal le libroaʼ jach jatsʼuts pero maʼ kun béeytal. Chéen baʼaleʼ Dioseʼ ku yaʼalikeʼ maʼ kun xáantal ken u beete. Tsʼoʼoleʼ teʼ Bibliaoʼ ku yaʼalik bix ken u beetil.
Teʼ Bibliaoʼ k-kanik xan bix jeʼel u yantaltoʼon kiʼimak óolal desde bejlaʼeʼ. Techeʼ, ¿baʼax beetik a chiʼichnaktal? Maʼ xaaneʼ táan a aktáantik problemas ichil a wotoch, minaʼantech taakʼin, kʼojaʼanech, wa yaan máax kíimtech. Le Bibliaoʼ jeʼel u yáantkecheʼ. Jeʼel xan u líiʼsik a wóoleʼ tumen ku núukik le kʼáatchiʼobaʼ:
Wa táan a xokik le libroaʼ u kʼáat u yaʼaleʼ taak a kaanbal tiʼ le Bibliaoʼ. Le libroaʼ yaan u yáantkech. Le kʼáatchiʼob yaan tiʼ cada xóotʼoloʼ yaan u yáantkech a maas naʼat le Bibliaoʼ. U millonesil máakoʼobeʼ uts tu tʼaan u tsikbaloʼob yoʼolal le Biblia yéetel u testigoʼob Jéeobaoʼ. K-kʼáatik tiʼ Dios ka seguernak u yáantkech a kan baʼax ku kaʼansik le Bibliaoʼ.