CUADRO 18A
Jéeobaeʼ ku yaʼalik taʼaytak u kʼuchul u kʼiinil u baʼateʼel
Le Bibliaoʼ ku chʼaʼchiʼitik yaʼab profecíaʼob ku tʼaanoʼob tiʼ junpʼéel baʼateʼel tuʼux ken u xuʼuls tuláakal u enemigoʼob Jéeobaoʼ. Teʼ cuadroaʼ ku chíikpajal jujunpʼéel tiʼ le profecíaʼoboʼ. Tuláakloʼobeʼ ku tʼaanoʼob tiʼ junpʼéeliliʼ baʼal. Jéeobaeʼ tsʼoʼok u tsʼáaik u yojéelt tuláakal máak tumen u kʼáat ka u salvartubaʼob.
TU KʼIINIL LE ISRAELITAʼOBOʼ
EZEQUIEL: «Jéeoba, le máax yaan tuláakal autoridad tiʼoʼ, ku yaʼalik: ‹Teneʼ yaan in túuxtik junpʼéel espada tu contra Gog tiʼ tuláakal in montañaʼob›» (Eze. 38:18-23).
JEREMÍAS: «Letiʼeʼ yaan u juzgartik tuláakal máak, yéetel yaan u xuʼulsik tiʼ le kʼasaʼan máakoʼob yéetel espadaoʼ» (Jer. 25:31-33).
DANIEL: «U Diosil le kaʼanoʼ yaan u [...] xiixkúuntik yéetel yaan u xuʼulsik tiʼ tuláakal le reinoʼobaʼ» (Dan. 2:44).
YÁAX SIGLO
JESÚS: «Yaan u sen muʼyaj máak jeʼex mix juntéen ilaʼak desde ka káaj yóokʼol kaab tak bejlaʼeʼ yéetel mix bikʼin kun kaʼa ilbil» (Mat. 24:21, 22).
PABLO: ‹Jesús yéetel u muʼukʼaʼan ángeloʼobeʼ yaan u castigartik tuláakal le máaxoʼob maʼ u kʼaj óoloʼob Diosoʼ› (2 Tes. 1:6-9).
PEDRO: «U kʼiinil Jéeobaeʼ yaan u taal jeʼex u taal juntúul j-ookoleʼ. Teʼ kʼiin jeʼeloʼ [...] le luʼum yéetel le baʼaxoʼob beetaʼan tu yóokʼoloʼ yaan u chíikpajloʼob» (2 Ped. 3:10).
JUAN: «Tu chiʼ [Jesúseʼ] ku jóokʼol junpʼéel chowak espada jach puputsʼkil utiaʼal u beetik loob tiʼ le kaajoʼoboʼ» (Apo. 19:11-18).
TEʼ KʼIINOʼOBAʼ
Minaʼan uláakʼ libro tsʼoʼok u traducirtaʼal yéetel u tʼoʼoxol jeʼex le Bibliaoʼ.
TEʼ KʼIINOʼOBAʼ U KAAJAL DIOSEʼ. . .:
-
ku tʼoxik u millonesil publicaciónoʼob ich jejeláas idiomaʼob.
-
ku máanskoʼob u millonesil horaʼob táan u tsikbaltikoʼob u tʼaan Dios tiʼ le máakoʼoboʼ.
