CUADRO 19B
¡Junpʼíit jaʼeʼ ku suut junpʼéel río!
Ezequieleʼ káaj u yilik tuʼux ku bin le jaʼ ku jóokʼol teʼ templooʼ, jeʼex u bin u maas náachtaleʼ bey u bin u pʼáatal junpʼéel nuxiʼ río. Tsʼoʼoleʼ tu kaʼatséelil le ríooʼ yaan jejeláas cheʼob ku tsʼáaik u yichoʼob, yéetel u leʼobeʼ ku meyaj utiaʼal u tsʼaʼakal máak. ¿Baʼax ku chíikbesik tuláakal lelaʼ?
Río ku taasik bendiciónoʼob
ÚUCHJEAKIL: Le máaxoʼob suunajoʼob Jerusalénoʼ bendecirtaʼaboʼob tumen Jéeoba úuchik u kaʼa adorarkoʼob jeʼex uts tu tʼaan teʼ templooʼ
TEʼ KʼIINOʼOBAʼ: Tu añoil 1919, joʼopʼ u kaʼa adorartaʼal Jéeoba jeʼex uts tu tʼaaneʼ, desde leloʼ letiʼeʼ káaj u bendecirtik u kaajal utiaʼal u maas adorartaʼal bey xan utiaʼal ka kuxlakoʼob minaʼan u xuul
MAʼ TUN XÁANTAL: Kéen tsʼoʼokok Armagedóneʼ Jéeobaeʼ jejeláas bendiciónoʼob ken u tsʼáatoʼon
Jaʼ ku tsʼáaik kuxtal
ÚUCHJEAKIL: Jeʼex úuchik u yaʼabtal le judíoʼoboʼ bey xan úuchik u yaʼabtal le bendiciónoʼob tsʼaʼabtiʼob tumen Jéeobaoʼ, tsʼoʼoleʼ tu yáantoʼob xan utiaʼal ka u adorartoʼob jeʼex uts tu tʼaaneʼ
TEʼ KʼIINOʼOBAʼ: Jeʼel u páajtal k-aʼalikeʼ u kaajal Jéeobaeʼ bey tiaʼan tiʼ junpʼéel paraísoeʼ, yéetel yaʼab baʼaxoʼob ku tsʼaʼabaltiʼob utiaʼal u adorarkoʼob jeʼex uts tu tʼaaneʼ
MAʼ TUN XÁANTAL: U millonesil máakoʼob kun kaʼa kuxtaloʼobeʼ yaan u múuchʼ adorarkoʼob Jéeoba yéetel le máaxoʼob ken u salvartubaʼob tiʼ le Armagedónoʼ, letiʼ túuneʼ yaan u tsʼáaik yaʼabkach bendiciónoʼob tiʼob
Cheʼob ku tsʼáaikoʼob ich yéetel ku tsʼakikoʼob máak
ÚUCHJEAKIL: Le ka suunaj le judíoʼob tu kaajaloʼoboʼ kaʼansaʼaboʼob tumen Jéeoba utiaʼal ka u adorartoʼob jeʼex uts tu tʼaaneʼ, lelaʼ le áantoʼob utiaʼal ka u pʼatoʼob le baʼaloʼob kʼaastak suuk u beetkoʼob kaʼachoʼ
TEʼ KʼIINOʼOBAʼ: Jéeobaeʼ ku tsʼáaiktoʼon yaʼab kaʼansajoʼob utiaʼal u yáantkoʼon k-beet baʼax uts tu tʼaan, mientras u maasil máakoʼobeʼ mix máak nuʼuktikoʼob utiaʼal u beetkoʼob baʼax maʼalob
MAʼ TUN XÁANTAL: Jesús yéetel le 144,000 yaan u yáantkoʼob máak utiaʼal ka pʼáatak minaʼan u kʼeban bey xan utiaʼal ka yanak toj óolal tiʼob mantatsʼ
