CUADRO 7B
Tʼaanoʼob ku chʼaʼchiʼitaʼal tu libroil Ezequiel
«U paal máak»
MAAS TIʼ 90 U TÉENEL
Ezequieleʼ maas tiʼ 90 u téenel ku yaʼalaʼaltiʼ «u paal máak». Yéetel le tʼaanoʼobaʼ Jéeobaeʼ tu kʼaʼajsaj tiʼ Ezequieleʼ kex yaʼab meyaj u tsʼaamaj u beeteʼ láayliʼ chéen kʼeban wíinikeʼ (Eze. 2:1). Tiʼ Jesús xaneʼ teʼ Evangelioʼoboʼ kex 80 u téenel ku yaʼalaʼaltiʼ «u Paal máak». Lelaʼ ku yeʼesikeʼ le ka taal way Luʼumeʼ jach tu jaajil síij bey wíinikeʼ, maʼ chéen juntúul ángel tu sutuba wíinikiʼ (Mat. 8:20).
‹Yaan a wojéeltikeʼex máax Jéeoba›
ÓOLIʼ 50 U TÉENEL
Ezequieleʼ óoliʼ 50 u téenel tu yaʼalaj ‹yaan a wojéeltikeʼex máax Jéeoba› tiʼ le kaajoʼob ku tsʼáaikubaʼob kaʼach tu contraoʼ. Bey úuchik u yeʼesik chéen Jéeoba unaj u adorartaʼaloʼ (Eze. 6:7).
«Le máax yaan tuláakal autoridad tiʼoʼ»
ÓOLIʼ 217 U TÉENEL
Le tʼaan «le máax yaan tuláakal autoridad tiʼoʼ» ku chíikpajal óoliʼ 217 u téenel. Le tʼaanoʼobaʼ ku yeʼeskoʼobeʼ minaʼan uláakʼ máax jeʼex Jéeoba yéetel chéen tiʼ letiʼ yaan autoridad yóokʼol tuláakal baʼax u beetmoʼ (Eze. 2:4).
