CUADRO 1B
Baʼax ku taasik u libroil Ezequiel
U libro Ezequieleʼ jeʼel u páajtal u jaʼatsal beyaʼ:
CAPÍTULO 1 TAK 3
Teʼ año 613 t.t.J., Ezequieleʼ kajaʼan kaʼach yéetel le judíoʼob bisaʼaboʼob Babiloniaoʼ. Teʼ año jeʼeloʼ jejeláas baʼaloʼob tsʼaʼab u yil tumen Jéeoba yéetel túuxtaʼab u yaʼal jujunpʼéel profecíaʼob tiʼ le judíoʼob kajaʼanoʼob naatsʼ tiʼ le río Kebaroʼ.
CAPÍTULO 4 TAK 24
Ichil le año 613 tak 609 t.t.J., Ezequieleʼ tu yaʼalaj jujunpʼéel profecíaʼob. Le profecíaʼobaʼ ku tʼaanoʼob tu contra Jerusalén yéetel tu contra u kajnáaliloʼob jach tercoʼob ku adorarkoʼob yaanal diosoʼoboʼ.
CAPÍTULO 25 TAK 32
Teʼ año 609 t.t.J., u tsʼook juntéen ka baʼpachtaʼab u kaajil Jerusalén tumen le babilonioʼoboʼ. Ezequieleʼ xuʼul u profetizar tu contra Jerusaléneʼ ka káaj u profetizar tu contra Ammón, Edom, Egipto, Filistea, Moab, Sidón yéetel Tiro, le kaajoʼob yanoʼob kaʼach tu baʼpach u kaajil Israeloʼ.
CAPÍTULO 33 TAK 48
Teʼ año 606 t.t.J., Jerusalén yéetel u temploeʼ chéen u jutul pakʼiloʼob yaan kaʼachi yéetel jach náach yanil tiʼ u kaajil Babilonia. Teʼ año jeʼeloʼ Ezequieleʼ tu yaʼalaj junpʼéel baʼax jach tu líiʼsaj u yóol u kajnáaliloʼob Jerusalén, tu yaʼalaj yaan u kʼuchul u kʼiinil u adorartaʼal chéen Jéeoba.
U libroil Ezequieleʼ tu tsoolol u yaʼalik le baʼaxoʼob úuchoʼoboʼ. Yáaxeʼ ku tʼaan tiʼ bix kun xuʼulsbil u kaajil Jerusalén yéetel u templo, tsʼoʼoleʼ ku tʼaan tiʼ bix kun kaʼa adorarbil chéen Jéeoba. Bey tu yaʼaliloʼ tumen teʼ kʼiinoʼoboʼ xuʼul u bin máak u adorart Dios teʼ templooʼ.
Ezequieleʼ yáax táanil profetizarnaj tu contra Jerusalén, tsʼoʼoleʼ tu contra le kaajoʼob yanoʼob tu baʼpachoʼ (capítulo 25 tak 32), yéetel tu tsʼookeʼ tu yaʼalaj yaan u kaʼa adorartaʼal chéen Jéeoba. Juntúul máak kaʼanchajaʼan u xookeʼ tʼaanaj tiʼ le profecíaʼob aʼalaʼab tu contra le kaajoʼob pʼekmil u kaajal Diosoʼ. Tu yaʼaleʼ úuchik u yaʼalik Jéeoba ka aʼalaʼak le profecíaʼob tu contra le kaajoʼobaʼ ku yeʼesik u chʼaʼ óotsilal tiʼ u kaajal tumen yaan u castigartik le máaxoʼob pʼekmiloʼoboʼ.
