CUADRO 16B
U yaatal u yóol máak, u marcartaʼal, u xíikjatsʼtaʼal: ¿Baʼax kʼiin yéetel bix u béeytal?
Le baʼax ku yaʼalik le capítulo 9 tiʼ u libroil Ezequieloʼ táan u béeytal teʼ kʼiinoʼobaʼ. K-ojéeltik bix kun béeytaleʼ yaan u yáantkoʼon utiaʼal maʼ k-sen chiʼichnaktal tak le kéen kʼuchuk le xuʼulsajiloʼ.
U yaatal u yóol máak
BAʼAX KʼIIN: Tu tsʼook kʼiinoʼob, antes tiʼ le nojoch muʼyajiloʼ.
BIX U BÉEYTAL: Le máaxoʼob uts u puksiʼikʼaloʼoboʼ ku yeʼeskoʼob u pʼekmoʼob le baʼaloʼob kʼaastakoʼ. Ku kʼamkoʼob le baʼaxoʼob jaajtak ku máan u tsikbalt le máaxoʼob adorartik Diosoʼ, ku yantaltiʼob u jatsʼuts modos Jesús, ku kʼubik u kuxtaloʼob tiʼ Jéeoba, ku yokjaʼob, tsʼoʼoleʼ ku múul meyajoʼob yéetel le sukuʼunoʼob yéeyaʼanoʼoboʼ.
U marcartaʼal máak
BAʼAX KʼIIN: Tu kʼiiniloʼob le nojoch muʼyajiloʼ.
BIX U BÉEYTAL: Le máak tu yilaj Ezequiel ku marcartik le máakoʼoboʼ ku chíikbesik Jesucristo kéen taalak u juzgart le kaajoʼoboʼ. Le yaʼabkach máakoʼoboʼ yaan u marcartaʼaloʼob yéetel yaan u yaʼalaʼaleʼ letiʼobeʼ tamanoʼob. Le oʼolaleʼ yaan u salvartaʼaloʼob kéen taalak Armagedón.
U xíikjatsʼtaʼal máak
BAʼAX KʼIIN: Le táan le Armagedónoʼ.
BIX U BÉEYTAL: Jesúseʼ yaan u nuʼuktik u ángeloʼob bey xan le 144,000 yéeyaʼanoʼob utiaʼal u xuʼulskoʼob le kʼasaʼan yóokʼol kaabaʼ. Le máaxoʼob chúukpaj u yóol u meyajtoʼob Jéeobaoʼ yaan u salvartaʼaloʼob yéetel yaan u kuxtaloʼob teʼ túumben luʼumoʼ.
