JAATS 3
Jéeobaeʼ ku yaʼalik yaan u kaʼa muchʼik u kaajal | Ku yaʼalaʼal yaan u kaʼa adorartaʼal Jéeoba
TIʼ BAʼAX KU TʼAAN: Ezequieleʼ tu yaʼalaj yaan u kaʼa adorartaʼal chéen Jéeoba
U kaajil Israeleʼ tsʼoʼok u pʼáatal maʼ junmúuchʼ yaniloʼobiʼ tumen le máakoʼoboʼ táan u adorarkoʼob jejeláas diosoʼob. Lelaʼ úuchi tumen le máakoʼoboʼ xuʼul u adorarkoʼob Jéeoba jeʼex uts tu tʼaaneʼ yéetel tu pʼektoʼob u kʼaabaʼ. Teʼ kʼiinoʼob jeʼeloʼ Jéeobaeʼ tu yaʼalaj tiʼ Ezequiel ka tʼaanak tiʼ le baʼaxoʼob maʼalobtak ku taal u kʼiinil u yúuchloʼ. Jéeobaeʼ jejeláas baʼaloʼob meyajnajtiʼ utiaʼal u líiʼsik u yóol le israelitaʼob esclavizartaʼanoʼoboʼ. Le baʼaxoʼob meyajnajtiʼoʼ jach ku líiʼsik xan k-óol tumen toʼon xaneʼ jach k-tsʼíiboltik ka kʼuchuk u kʼiinil u adorartaʼal chéen Jéeoba.
BAʼAX YAAN TEʼ JAATSAʼ
XOOK 8
«Yaan in tsʼáaik juntúul j-kanan taman nuʼuktikoʼob»
Jéeobaeʼ ku yaʼalik tiʼ Ezequieleʼ le Mesíasoʼ yaan u beetik u Reyil, u j-kanan tamanil yéetel yaan u yáantaj utiaʼal u adorartaʼal chéen Jéeoba.
XOOK 9
«Yaan in beetik u yantaltiʼob junpʼéeliliʼ puksiʼikʼal»
Le profecíaʼob aʼalaʼab tiʼ le judíoʼob esclavizartaʼaboʼob Babiloniaoʼ, ¿bix u béeytaloʼob teʼ kʼiinoʼobaʼ?
XOOK 10
«Yaan a kaʼa kuxtaleʼex»
Ezequieleʼ tsʼaʼab u yil junpʼéel táax luʼum chuup yéetel tikin baakoʼob ku kaʼa kuxtaloʼob. ¿Baʼax u kʼáat u yaʼal le baʼax tu yiloʼ?
XOOK 11
«Tsʼoʼok in yéeyikech utiaʼal a beetkaba juntúul j-kanan»
¿Baʼax unaj u beetik juntúul máax kanáantik junpʼéel kaaj? ¿Baʼax unaj u tsʼáaik ojéeltbil?
XOOK 12
«Yaan in beetik ka pʼáatkoʼob junpʼéeliliʼ kaaj»
Jéeobaeʼ tu yaʼaleʼ yaan u muchʼik u kaajal.
XOOK 13
«Unaj a waʼalik tiʼ u kaajil Israel jach bix le templooʼ»
¿Baʼax ku chíikbesik le templo tu yilaj Ezequieloʼ?
XOOK 14
«Lelaʼ u leyil le templooʼ»
¿Baʼaxoʼob tu kaʼansaj tiʼ le judíoʼob le templo tu yilaj Ezequieloʼ? ¿Baʼaxoʼob ku kaʼansiktoʼon teʼ kʼiinoʼobaʼ?
