Kʼaay 60
Jéeoba kun áantkech
1. Jéeoba natsʼech yiknal, tu kaʼansajtech baʼax jaaj,
tu jóoʼsech tiʼ le éeʼjochʼeʼeniloʼ.
Tu jach ilaj le baʼax yaan ta puksiʼikʼaloʼ
yéetel a kʼáat a kiʼimakkúuns u yóol.
Ta waʼalajtiʼ a kʼáat a meyajte.
Letiʼeʼ tu yaʼalaj maʼ ken u pʼatech.
(CORO)
Tsʼoʼok u mankech Jéeoba Dios tumen u yaabiltmech.
Letiʼ kun áantikech, letiʼ kun kanáantkech.
Letiʼ xan ken u nuʼuktech, mix juntéen ku pʼatkech.
Letiʼ kun áantikech, letiʼ kun kanáantkech.
2. Dioseʼ tu tsʼáaj u Paal tu yoʼolal a kuxtal.
U kʼáat ka xiʼiktech maʼalobil mantatsʼ.
Wa tu kʼubaj u Paal kex jach u yaabiltmeʼ
u kʼáat u yaʼaleʼ maʼ ken u pʼatech.
A chúukaʼan óolal ku yilik mantatsʼ.
Letiʼeʼ maʼ ken u tuʼubs bix a kuxtal.
(CORO)
Tsʼoʼok u mankech Jéeoba Dios tumen u yaabiltmech.
Letiʼ kun áantikech, letiʼ kun kanáantkech.
Letiʼ xan ken u nuʼuktech, mix juntéen ku pʼatkech.
Letiʼ kun áantikech, letiʼ kun kanáantkech.
(Ilaʼak xan Rom. 8:32; 14:8, 9; Heb. 6:10; 1 Ped. 2:9.)