1. Jéeoba in Dios máax kanáantken,

le beetik maʼ saajkeniʼ.

Juntúul j-kanan taman jeʼex letiʼeʼ

mix tuʼux jeʼel in kaxtikeʼ.

Mantatsʼ ku tsʼáaikten baʼax kʼaʼabéet

yéetel jach ku líiʼskin wóol.

Yoʼolal u kiʼichkelem Tʼaan xaneʼ

jach ku nuʼuktiken tubeel.

Yoʼolal u kiʼichkelem Tʼaan xaneʼ

jach ku nuʼuktiken tubeel.

2. Le ken in máans talmiloʼobeʼ

Dioseʼ maʼ ken u pʼaten.

Tumen naatsʼ yaan máax kanáantkeneʼ

mix baʼal chiʼichnakkúunsiken.

U Tʼaaneʼ jach ku sen áantken,

ku tsʼáaik utsiloʼob tiʼ teen.

Yaan in wantal mantatsʼ tu yotoch

tumen jach u yaabiltmen.

Yaan in wantal mantatsʼ tu yotoch

tumen jach u yaabiltmen.

 3. Tumen ka tsʼáaikten a naʼateʼ

yaan in kiʼikiʼtʼantikech.

Yaan in tsolik tiʼ uláakʼ tamnoʼob

jach ka nuʼuktikoʼon tubeel.

Mantatsʼ ken in wuʼuy baʼax kiaʼalik,

yaan in bin tuʼux kiaʼalikten.

Teneʼ mantatsʼ ken in meyajte,

jatsʼuts meyaj yaan tiʼ teen.

Teneʼ mantatsʼ ken in meyajte,

jatsʼuts meyaj yaan tiʼ teen.