1. Jéeoba tsʼáaik jeetsʼel óol

bey xan le yaabilajoʼ.

Tsʼáatoʼon yaʼabach jeetsʼel óolal

ich k-puksiʼikʼal sáamsamal.

Ta tsʼáajtoʼon xan a Paal

tiaʼal u yantaltoʼon kuxtal.

Chéen Jéeoba Dios jeʼel u tsʼáaiktoʼon

le jetsʼ óol yaan tiʼ letiʼoʼ.

2. Yaʼab máax ku sen muʼyaj

tiʼ tuláakal yóokʼol kaab.

Baʼaleʼ ka tsʼáaik jeetsʼel óolal

tiʼ máax meyajtkech, Jéeoba.

Chéen baʼaxoʼob uts ta tʼaan

k-ilik k-beetik sáamsamal.

K-kʼáat ka tsʼáatoʼon jeetsʼel óolal

tiaʼal mantatsʼ ichil k-kuxtal.

 3. U kiliʼich muukʼ Jéeoba

kiáantkoʼon náachtal tiʼ baʼax kʼaas.

Jach ku yáantkoʼon, ku kanáantkoʼon

ken k-aktáant talamiloʼob.

Ku kiʼimakkúunsik k-óol

yéetel jach ku líiʼsik k-óol.

Táan k-kʼáat óoltiktech, Jéeoba Dios,

mantatsʼ tsʼáatoʼon jeetsʼel óol.