Kʼaay 126
Junpʼéel kiʼichkelem naj utiaʼal Jéeoba
1. Teʼ kʼiinaʼ, Yuumtsil Jéeoba,
tuláakloʼon táan k-chintal ta táan.
Ta tsʼáaj a bendición tiaʼal k-meyaj
teʼ jatsʼuts najaʼ.
Jach nojoch áantaj ta tsʼáaj
utiaʼal ka k-tsʼoʼoks le kúuchilaʼ.
Toʼoneʼ jach kiʼimak k-óol yoʼole baʼax
tsʼoʼok a beetikaʼ.
(CORO)
Junpʼéel kiliʼich meyaj ta tsʼáajtoʼon.
Jach kiʼichkelem le kúuchilaʼ.
Jéeoba Dios, áantoʼon tiaʼal
u páajtal k-kʼubik k-kuxtal
tiaʼal k-nojbeʼenkúunsikech mantatsʼ.
2. Tu taasajtoʼon kiʼimak óol
k-kʼaj óoltik máaxoʼob áantoʼonoʼ.
Le baʼaxoʼob t-beetajoʼ k-kʼaʼajsikoʼob,
maʼatech k-tuʼubsikoʼob.
A kiliʼich muukʼeʼ, Jéeoba,
tu yáantoʼon utiaʼal k-múul meyaj.
Le kúuchilaʼ ku tsʼáaik kiʼikiʼtʼaan
chéen tiʼ teech, Jéeoba.
(CORO)
Junpʼéel kiliʼich meyaj ta tsʼáajtoʼon.
Jach kiʼichkelem le kúuchilaʼ.
Jéeoba Dios, áantoʼon tiaʼal
u páajtal k-kʼubik k-kuxtal
tiaʼal k-nojbeʼenkúunsikech mantatsʼ.
(Ilaʼak xan Sal. 116:1; 147:1; Rom. 15:6.)
