Kʼaay 127
Junpʼéel naj ku nojbeʼenkúunsik a kʼaabaʼ
1. Yéetel kiʼimak óolal, Jéeoba Dios,
k-kʼubik tiʼ teech le kúuchilaʼ.
Lelaʼ utiaʼal a nojbeʼenkúunsaʼal
yéetel u kʼaj óoltaʼal a Tʼaan.
Le baʼax meyajnaj tiaʼal ka k-beetoʼ
tiʼ teech u láaj taaloʼob, Jéeoba.
Tuláakal le muukʼ yaan tiʼ toʼonoʼ
yéetel kiʼimak óolal t-kʼubaj.
(CORO)
Táan k-kʼubiktech le kúuchilaʼ
utiaʼal a kiʼikiʼtʼantaʼal.
Táan k-tsʼáaiktech le naj jatsʼutsaʼ
yéetel kiʼimak óol, Jéeoba.
2. Teʼ kúuchilaʼ yaan k-nojbeʼenkúunskech
junmúuchʼ yéetel máaxoʼob utstak.
Ku taaloʼob yéetel kiʼimak óolal
utiaʼal u kankoʼob baʼax a kʼáat.
Le kúuchilaʼ tiaʼal k-adorarkech;
yéetel yaan k-kanáantik, Jéeoba.
Le jatsʼuts najaʼ jach ku yeʼesik
bukaʼaj nojchil a yaabilaj.
(CORO)
Táan k-kʼubiktech le kúuchilaʼ
utiaʼal a kiʼikiʼtʼantaʼal.
Táan k-tsʼáaiktech le naj jatsʼutsaʼ
yéetel kiʼimak óol, Jéeoba.
(Ilaʼak xan 1 Rey. 8:18, 27; 1 Cró. 29:11-14; Bax. 20:24.)
