Kʼaay 69
Kaʼansen utiaʼal in nuʼuktik in kuxtal
1. Toʼoneʼ tsʼoʼok k-muchʼtal way ta táaneʼ, Jéeoba,
jeʼex úuchik a waʼalik ka k-beetoʼ.
Chéen a kiliʼich Tʼaan ku nuʼuktik k-puksiʼikʼal,
ku yáantkoʼon k-beet le baʼax a kʼáatoʼ.
(CORO)
Kaʼansen utiaʼal in nuʼuktik in kuxtal,
tumen in kʼáat in beet baʼax uts ta tʼaan.
Áanten in beet baʼax maʼalob tiaʼal mantatsʼ,
tumen in kʼáat in weʼestech yaabilaj.
2. Minaʼan u xuul a kiliʼich naʼat, Dios Jéeoba,
jach maʼalob le baʼaxoʼob ka beetkoʼ.
U sáasil a Tʼaan, mantatsʼ jach ku yáantaj
utiaʼal in kuxtal jeʼex a kaʼanskoʼ.
(CORO)
Kaʼansen utiaʼal in nuʼuktik in kuxtal,
tumen in kʼáat in beet baʼax uts ta tʼaan.
Áanten in beet baʼax maʼalob tiaʼal mantatsʼ,
tumen in kʼáat in weʼestech yaabilaj.
