Kʼaay 32
Koʼox meyajtik Dios mantatsʼ
1. Teʼ kʼiinoʼobaʼ sen yaan talamiloʼob,
yaʼab máax sajak tiʼe baʼax táan yilikoʼ.
Jach unaj k-pʼáatal tu tséel Jéeoba Dios
yéetel u chúukpajal k-óol.
(CORO)
Koʼox eʼesik yéetel k-kuxtal
tsʼoʼok k-náachtal tiʼ baʼaxoʼob kʼaas.
Kʼaʼabéet k-meyajtik Dios
yéetel yaʼab chúukaʼan óol.
2. Yaʼab túuntaj óoloʼob ku tsʼáaik Satanás,
kʼaʼabéet u chúukpajal k-óol sáamsamal.
Kʼaʼabéet maʼ k-náachtal tiʼ Yuumtsil Jéeoba
tiaʼal u kanáantkoʼon mantatsʼ.
(CORO)
Koʼox eʼesik yéetel k-kuxtal
tsʼoʼok k-náachtal tiʼ baʼaxoʼob kʼaas.
Kʼaʼabéet k-meyajtik Dios
yéetel yaʼab chúukaʼan óol.
3. Koʼox meyajtkeʼex Dios yéetel yaabilaj,
koʼox nojbeʼenkúunskeʼex yéetel bix k-kuxtal.
U maʼalob péektsil le Reino k-biskoʼ
tumen naatsʼ le xuʼulsajoʼ.
(CORO)
Koʼox eʼesik yéetel k-kuxtal
tsʼoʼok k-náachtal tiʼ baʼaxoʼob kʼaas.
Kʼaʼabéet k-meyajtik Dios
yéetel yaʼab chúukaʼan óol.
(Ilaʼak xan Luc. 21:9; 1 Ped. 4:7.)
