Kʼaay 105
Le kaʼanoʼoboʼ ku yeʼeskoʼob u nojbeʼenil Dios
(Salmo 19)
1. Tuláakal baʼax u beetmaj Dios teʼ kaʼanoʼ
ku yeʼesik jach nojoch le naʼat yaan tiʼ letiʼoʼ.
Ku yeʼesikoʼob u jatsʼuts modosoʼob.
Ku nojbeʼenkúunsikoʼob Jéeoba,
le Dios jach sen utsoʼ.
2. U Tʼaan Dioseʼ ku yáantkoʼon k-beet baʼax maʼalob.
Ku nuʼuktik u kuxtal le máaxoʼob kʼamikoʼ.
U leyoʼobeʼ jach ku tsʼáaik jeetsʼel óol.
Ku yáantikoʼon utiaʼal k-kuxtal
yéetel yaʼab kiʼimak óol.
3. Kʼaʼabéet k-ilik k-chʼaʼik saajkil tiʼ Jéeoba Dios.
Le baʼax ku kaʼansikoʼ maas koʼoj tiʼe taakʼinoʼ.
Ku nuʼuktikoʼon tiʼ le bej maʼaloboʼ.
Koʼox kʼaʼaytik u nojbeʼenil Dios,
le Máax tsʼáaik kuxtaloʼ.
(Ilaʼak xan Sal. 111:9; 145:5; Apo. 4:11.)